ພຣະສົງແລະຊາວພຸດໄຕ້ຫວັນຖວາຍມະຫາສັງຄະທານ

ໃນຕອນເພນຂອງວັນທີ 1 ສິງຫາ 2013 ຄືມື້ນີ້, ພຣະອາຈານໃຫຍ່ ຮຸຍກົງ ຈາກໄຕ້ຫວັນ ພ້ອມດ້ວຍສິດສານຸສິດ ໄດ້ເປັນເຈົ້າພາບຖວາຍພັດຕາຫານໃຫ້ແກ່ພຣະສົງທີ່ເປັນນັກສຶກສາຈາກວິທະຍາໄລສົງອົງຕື້ ແລະ ໂຮງຮຽນມັດທະຍົມສົງໂສກປ່າຫລວງ ຈຳນວນ 1079 ອົງ ທີ່ວັດອົງຕື້ມະຫາວິຫານ ນະຄອນຫລວງວຽງຈັນ. ພ້ອມດຽວກັນນີ້ ພຣະອາຈານຍັງໄດ້ບໍລິຈາກຊັບເພື່ອຊື້ໂຕະແລະຕັ່ງຈຳນວນ 60 ຊຸດ ໃຫ້ແກ່ມັດທະຍົມສົງໂສກປ່າຫລວງແລະຖວາຍອຸປະກອນການສຶກສາເຊັ່ນ ເຄື່ອງຄອມພິວເຕີໂນດບຸກຄ໌, ເຄື່ອງສຳເນົາເອກະສານ, ແລະເຄື່ອງສາຍໂປຣເຈັກເຕີຣ໌ ໃຫ້ແກ່ໂຮງຮຽນວິທະຍາໄລສົງ ເພື່ອຮັບໃຊ້ເຂົ້າໃນການສິດສອນ.

ພຣະອາຈານໃຫຍ່ ຮຸຍກົງ ພ້ອມດ້ວຍສິດສານຸສິດ ໄດ້ສືບຕໍ່ຖວາຍສັງຄະທານແລະບໍລິຈາກຊັບຊ່ວຍວົງການສຶກສາສົງລາວມາເປັນເວລາ 7 ປີແລ້ວ ແລະຈະສືບຕໍ່ເຮັດແບບນີ້ເລື້ອຍໆໄປ.

DSC_0937

This site uses Akismet to reduce spam. Learn how your comment data is processed.