ກອງປະຊຸມສະໄໝວິສາມັນຄົບຄະນະເລືອກຕັ້ງປະທານສົງ

12373401_1258590504157629_4854944416769089627_n

12348160_1007261336003869_5270981770071576320_n

ວັນທີ 17 ທັນວາ 2015, ມື້ນີ້ ໄດ້ມີການຈັດກອງປະຊຸມສະໄໝວິສາມັນຄົບຄະນະຂອງສູນກາງອົງການພຸດທະສາສນາສຳພັນລາວຂື້ນ ທີ່ຫໍປະຊຸມແຫ່ງຊາດ ຫຼັກ 6 ເມື່ອມີມະຕິເຫັນດີເລືອກຕັ້ງແລະແຕ່ງຕັ້ງ ປະທານສົງອົງໃໝ່ ເພື່ອມາສືບຕຳແໜ່ງແທນຍາທ່ານໃຫຍ່ ມະຫາຜ່ອງ ສະມາເລີກ ທີ່ໄດ້ມໍຣະນະພາບໄປເມື່ອວັນທີ 7 ຕູລາ 2015 ທີ່ຜ່ານມາ.
ກອງປະຊຸມ ໄດ້ມີມະຕິຕົກລົງກັນເປັນເອກະພາບ ເລືອກເອົາຍາທ່ານໃຫຍ່ ມະຫາງອນ ດຳຣົງບຸນ, ອະດີດປະທານ ອພສ ແຂວງສະຫວັນນະເຂດ ເຈົ້າອາວາດວັດໃຫຍ່ໄຊຍະພູມ
ໃຫ້ເປັນປະທານອົງການພຸດທະສາສນາສຳພັນລາວ ເປັນອົງທີ 5.
ເຊິ່ງໃນໄລຍະຜ່ານມາ ນັບແຕ່ປະເທດຊາດໄດ້ຮັບການປົດປ່ອຍ ປະເທດລາວເຮົາປົກຄອງດ້ວຍລະບອບສາທາລະນະລັດ ປະຊາທິປະໄຕ ປະຊາຊົນລາວ ໄດ້ມີປະທານສົງມາແລ້ວ 4 ອົງ ລວມທັງທີ່ເລືອກຕັ້ງໃໝ່ເປັນອົງທີ 5 ຄື:

1. ພຣະອາຈານມະຫາຄຳຕັນ ເທບບົວລີ,ເປັນປະທານສົງອົງທີ 1
2. ພຣະອາຈານມະຫາທອງຄູນ ອະນັນຕະສູນທອນ, ເປັນປະທານສົງອົງທີ 2
3. ພຣະອາຈານ ມະຫາວິຈິດ ສິງຫະຣາຊ, ເປັນປະທານສົງ ອົງທີ 3,
4. ພຣອາຈານມະຫາຜ່ອງ ສະມາເລີກ, ເປັນປະທານສົງອົງທີ 4,
5. ພຣະອາຈານມະຫາງອນ ດຳຣົງບຸນ, ເປັນປະເທດສົງອົງທີ 5 (ອົງປັດຈຸບັນ)

ກອງປະຊຸມໃນຄັ້ງນີ້ ໄດ້ສະເໜີໃຫ້ມີການເລືອກຕັ້ງເອົາສະເພາະປະທານສູນກາງອົງການພຸດທະສາສນາສຳພັນລາວ ແລະຈະມີການປະຊຸມເພື່ອປະກາດ ແລະເລືອກຕັ້ງຄະນະປະຈຳອົງການພຸດທະສາສນາຢ່າງເປັນທາງການອີກຄັ້ງ. ຫຼັງຈາກສຳເລັດພິທີຊາປະນະກິດສົບຂອງ ຍາທ່ານໃຫຍ່ ມະຫາຜ່ອງ ສະມາເລີກ.

ເວັບໄຊທ໌: Laobuddhism

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 64 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.