ກອງປະຊຸມໃຫຍ່ສະໄໝທີ VII ຂອງ ອພສ ແຂວງຈຳປາສັກ

 

ຕອນເຊົ້າຂອງວັນທີ: 3 ມິຖຸນາ 2016, ຄະນະ ອພສ ແຂວງຈຳປາສັກ, ຈັດກອງປະຊຸມໃຫຍ່ ຜູ້ແທນພຣະສົງທົ່ວແຂວງຈຳປາສັກ. ໂດຍການເຂົ້າຮ່ວມ ແລະ ເປັນປະທານຂອງ ພຣະອາຈາຣຍ໌ໃຫຍ່ ມະຫາງອນ ດຳລົງບຸນ, ປະທານ ສູນກາງ ອົງການພຸດທະສາສນາສຳພັນລາວ, ພຣະອາຈາຣຍ໌ໃຫຍ່ ມະຫາບຸນມາ ສິມມາພົມ ຮອງປະທານ ສູນກາງ ອພສ ຫົວໜ້າກຳມາທິການປົກຄອງສົງທົ່ວປະເທດ, ທ່ານ ປອ. ບຸນຖອງ ດີວິໄຊ ເຈົ້າແຂວງໆຈຳປາສັກ, ທ່ານ ສີທົນ ແກ້ວພູວົງ ປະທານແນວລາວສ້າງຊາດແຂວງ, ທ່ານ ຄຳຢາດ ຣາຊະດາວົງ ຮອງຫົວໜ້າກົມສາສນາ, ສູນກາງແນວລາວສ້າງຊາດ, ປະທານ ອພສ 4 ແຂວງ ພາກໃຕ້ , ຄະນະປະຈຳ, ກຳມະການບໍລິຫານງານ ອພສ ແຂວງ, ຄະນະ ອພສ 10 ຕົວເມືອງ, ເຈົ້າອະທິການສົມພານວັດພາຍໃນເມືອງປາກເຊ, ພະແນກພາຍໃນແຂວງ ແລະ ເມືອງທົ່ວແຂວງຈຳປາສັກ, ອົງການຈັດຕັ້ງອ້ອມຂ້າງແຂວງ ແລະ ຫ້າງຮ້ານບໍລິສັດພາຍໃນເມືອງປາກເຊ ຕະຫຼອດຮອດຜູ້ຊົງຄຸນນະວຸດ ແລະ ພໍ່ແມ່ປະຊາຊົນ ເຊົາວະຊົນ ທຸກພາກສ່ວນເຂົ້າຮ່ວມຢ່າງພ້ອມພຽງ,
ເລີ້ມຕົ້ນໂດຍ ພໍ່ທ່ານໃຫຍ່ປະທານ ນຳພາໄຫວ້ພຣະຣັຕຕະນະໄຕຼ, ພຣະອາຈາຣຍ໌ ມະຫາສຸວັນ ຈັນທະຣາຊ ກຼ່າວເປີດພິທີ, ພຣະອາຈາຣຍ໌ໃຫຍ່ ບຸນປອນ ສອນສັກສິດ ຜ່ານບົດສະຫຼຸບຜົນງານ ສິ່ງພົ້ນເດັ່ນ ຈຸດດີ ຈຸດອອ່ນ ແລະ ຂໍ້ຄົງຄ້າງ 5 ປີ ແລະ ທິດທາງແຜນການຕໍ່ໜ້າ 2015-2020, ຕຳລຳດັບ.
– ຄະນະປະທານກອງປະຊຸມ: ຜ່ານມະຕິກອງປະໍຊຸມໃຫຍ່ສະໄໝທີ 7 ເຫັນດີແລະຕົກລົງແຕ່ງຕັ້ງ,
1. ພຣະອາຈາຣຍ໌ໃຫຍ່ ມະຫາສຸວັນ ຈັນທະຣາຊ ເປັນປະທານ ອພສ ແຂວງ,
2. ພຣະອາຈາຣຍ໌ໃຫຍ່ ບຸນຈັນ ສຸທັມມະໂກສານ ເປັນຮອງ,
3. ພຣະອາຈາຣຍ໌ ຄຳພັກ ພົມມະໄຊ ເປັນຮອງ,
4. ພຣະອາຈາຣຍ໌ ຈິດສະແຫວງ ຄຳພີລະປັນຍາ
5. ພຣະອາຈາຣຍ໌ ອຸດົມສັກ ແກ້ວພັນທະວົງ
6. ພຣະອາຈາຣຍ໌ ມະຫານົນທະນັກ ອັກຄະວັນໂນ ພົມມະຈັກ
7. ພຣະອາຈາຣຍ໌ ສັກດາ ສີມະໂນທັມ
ແລະ ຄະນະກຳມະການບໍລິຫານງານ ອພສ ແຂວງຊຸດໃຫມ່ ຈຳນວນ 30 ອົງ,
– ຜົນການເລືອກຕັ້ງແມ່ນ ອີງໃສ່ ຜົນການທາບທາມ ປະທານ, ຄະນະປະຈຳ, ຄະນະກຳມະການບໍລິຫານງານ ອພສ ແຂວງ, ຄັ້ງວັນທີ: 25 ມັງກອນ 2016. (ຄົບຄະນະປະຈຳ ແລະ ຄະນະບໍລິຫານຊຸດເກົ່າ ລວມທັງ ປະທານ ອພສ 10 ຕົວເມືອງ), ເຫັນດີແລະຮັບຮອງເອົາມະຕິກອງປະຊຸມສະໄໝທີ 7 ໂດຍ ປະທານ, ຮອງປະທານ ແລະ ພາກສ່ວນທີ່ກ່ຽວຂ້ອງ. ໂດຍໃຫ້ສຽງສາທຸການພ້ອມກັນ.
_______________
ພູມິນ ໄຊຍະຈັກ ລາຍງານ
_______________
www.laobuddhism.com

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 64 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.