ຫົດສົງຍາທ່ານໃຫຍ່ ດຣ.ມະຫາບຸນມາ ສິມມາພົມ

13330886_632482366927310_7215395840177262320_n

ເມື່ອວັນທີ 12 ມິຖຸນາ ທີ່ວັດສົມສະຫງັດ(ບ້ານຝາຍ) ໄດ້ຈັດພິທີສະຫລອງກຸຕິຫລັງໃໝ່ ແລະໄດ້ມີເຈົ້າສັດທາຈັດກອງຫົດສົງເຖຣາພິເສກຖວາຍໃຫ້ແກ່ພຣະອາຈານໃຫຍ່ ດຣ.ມະຫາບຸນມາ ສິມມາພົມ, ຮອງປະທານສູນກາງອົງການພຸດທະສາສນາສຳພັນລາວ, ຫົວໜ້າກຳມາທິການປົກຄອງສົງທ່ົວປະເທດ ເນື່ອງໃນງານສະຫລອງກຸຕິຫລັງໃໝ່ແລະການໄດ້ຮັບດຸດສະດີບັນດິດກິດຕິມະສັກ ຈາກມະຫາວິທະຍາໄລມະຫາຈຸລາລົງກອນຣາຊວິທະຍາໄລ(ມຈຣ). ໄດ້ຮັບກຽດເຂົ້າຮ່ວມເປັນປະທານໂດຍ ຍາທ່ານໃຫຍ່ ມະຫາງອນ ດຳຣົງບຸນ ປະທານສູນກາງ ອົງການພຸດທະສາສນາສຳພັນລາວ(ອພສ) ອົງປັດຈຸບັນ ແລະໄດ້ຮັບການເປັນກຽມເຂົ້າຮ່ວມເປັນປະທານຝ່າຍຄະຣາວັດມີທ່ານ ພົນໂທ ຈັນສະໝອນ ຈັນຍາລາດ, ລັດຖະມົນຕີກະຊວງປ້ອງກັນປະເທດ ພ້ອມດ້ວຍເຈົ້າພາບເຈົ້າສັດທາມີຄອບຄົວສີສຸລິດ, ຄອບຄົວຄຸດໄພທູນ, ຄອບຄົວພິຈິດ, ຄອບຄົວທຳມະວົງ, ຄອບຄົວທອງສະບາ. ພ້ອມດ້ວຍເຖົ້າແກ່ອອກຕົນຍາດໂຍມພາຍໃນບ້ານຝາຍແລະມາຈາກທຸກສາລະທິດກໍໄດ້ເຂົ້າຮ່ວມຢ່າງໜາແໜ້ນ. ພ້ອມນີ້ ຍັງມີຕາງໜ້າຈາກ ມຈຣ ໂດຍພຣະຄຣູໂສພົນວະຊິຣາພອນ ຫລື ພຣະອາຈານເຈົ້າຄຸນ ມະຫາສະໄຫວ ໂຊຕິໂກ ຮອງອະທິການບໍດີ ຝ່າຍກິດຈະການຕ່າງປະເທດ ກໍໄດ້ໃຫ້ກຽດເຂົ້າຮ່ວມ.

ການຖວາຍດຸດສະດີບັນດິດກິດຕິມະສັກ ຫລື ປະລິນຍາເອກດຸດສະດີບັນດິດ ຈາກ ມຈຣ ແມ່ນໄດ້ສືບຕໍ່ຖວາຍມາແຕ່ລະປີນັບຕັ້ງແຕ່ສະໄໝພຣະອາຈານໃຫຍ່ ມະຫາວິຈິດ ສິງຫະຣາຊ, ພຣະອາຈານໃຫຍ່ມະຫາຜ່ອງ ສະມາເລີກ, ພຣະອາຈານໃຫຍ່ ຊາລີ ກັນຕະສີໂລ, ພຣະອາຈານໃຫຍ່ ເວດ ມະເສໄນ, ພຣະອາຈານໃຫຍ່ ບຸນມາ ສິມມາພົມ, ແລະຫລ້າສຸດພຣະຈານໃຫຍ່ ມະຫາງອນ ດຳຣົງບຸນ, ປະທານ ອ.ພ.ສ.ສູນກາງອົງປັດຈຸບັນ. ຈຸດປະສົງຂອງການຖວາຍດຸດສະດີບັນດິດກິດຕິມະສັກໃຫ້ແກ່ພຣະສົງຜູ້ຊົງຄຸນນະວຸດທິ ກໍແມ່ນເພື່ອເທີດທູນບູຊາກຽດຂອງເພື່ອ ທີ່ໄດ້ມີສ່ວນຮ່ວມໃນການທຸ້ມເທທັງຊີວິດຈິດໃຈ ເພື່ອສ້າງຜົນງານອັນໃຫຍ່ຫລວງໃນຊີວິດຕໍ່ພຣະພຸດທະສາສນາ ແລະອີກຢ່າງກໍເພື່ອເປັນການເຊື່ອມສຳພັນທະໄມຕີການພົວພັນທາງປະເພນີວັດທະນຳທຳທາງພຸດທະສາສນາລະ
ສອງປະເທດໃຫ້ນັບມື້ນັບແໜ້ນແຟ້ນຍິ່ງຂຶ້ນIMG_7532.

ປະຫວັດໂດຍສັງເຂບ

ພຣະອາຈານໃຫຍ່ ດຣ.ມະຫາບຸນມາ ສິມມາພົມ ອາຍຸ 81 ປີ ເກີດເມື່ອວັນທີ 1 ສິງຫາ 1934ທີ່ບ້ານທ່ານ້ອງ ເມືອງມູນລະປະໂມກ ແຂວງຈຳປາສັກ ສ.ປ.ປ.ລາວ. ບິດາຊື່ ຄຳສິງ ສິມມາພົມ, ມານດາຊື່ ນາງບົວ ສິມມາພົມ. ພຣະອາຈານໃຫຍ່ ດຣ.ມະຫາບຸນມາ ສິມມາພົມ ມີຍາດພີ່ນ້ອງຮ່ວມມານດາດຽວກັນ 7 ຄົນ.

ການສຶກສາ:

ເມື່ອອາຍຸ 7 ຫາ 11 ປີ ຮຽນຈົບຊັ້ນປະຖົມ 4 ທີ່ໂຮງຮຽນບ້ານທ່ານ້ອງ ແຂວງຈຳປາສັກ.

ບັນພະຊາ:

ເມື່ອປີ 1955 ອາຍຸໄດ້ 20 ປີບໍລິບູນ ໄດ້ເຂົ້າບັນພະຊາອຸປະສົມບົດເປັນພຣະພິກຂຸທີ່ພັດທະສິມາວັດສີດາຈັນ ບ້ານກອກ ດອນໄຊ ເມືອງສຸຂຸມາ, ແຂວງຈຳປາສັກ ໂດຍມີພຣະຄຣູທັມມະຣັງສີ(ເຄນ ທະນາກອນ) ເປັນພຣະອຸປັຊຊາຍ໌, ພຣະຄຣູເປີ ເປັນພຣະກັມມະວາຈາຈາຣຍ໌, ພຣະມະຫາຄຳແດງ ປະຖະມະວົງສ໌ ເປັນພຣະອະນຸສາວະນາຈາຣຍ໌ ພ້ອມດ້ວຍຄະນະສົງຄ໌ 15 ອົງ.

ດ້ານການສຶກສາ:

-ຄ.ສ. 1957 ຮຽນຈົບນັກທັມຊັ້ນຕີ ທີ່ສຳນັກຮຽນວັດຫລວງເກົ່າ ເມືອງໂພນທອງ, ແຂວງຈຳປາສັກ
– ຄ.ສ. 1958 ຮຽນຈົບນັກທັມຊັ້ນໂທ ທີ່ສໍານັກຮຽນ ວັດຫລວງເກົ່າ ເມືອງໂພນທອງ ແຂວງຈຳປາສັກ
– ຄ.ສ. 1959 ຮຽນຈົບນັກທັມຊັ້ນເອກທີ່ສໍານັກຮຽນ ວັດຫລວງເກົ່າ ເມືອງໂພນທອງ ແຂວງຈຳປາສັກ
– ຄ.ສ. 1960 ຮຽນຈົບ ປ.ທ. 3 ທີ່ໂຮງຮຽນປະຣິຍັດຕິທັມ ວັດໂພທິຣັຕນະສາສດາຣາມ(ວັດຫລວງປາກເຊ) ເມືອງປາເຊ, ແຂວງຈຳປາສັກ.
– ຄ.ສ. 1961 ຮຽນຈົບ ປ.ທ.4 ທີ່ໂຮງຮຽນປະຣິຍັດຕິທັມ ວັດໂພທິຣັຕນະສາສດາຣາມ(ວັດຫລວງປາກເຊ, ເມືອງປາກເຊ,ແຂວງຈຳປາສັກ.
– ຄ.ສ. 1963-1964 ໄດ້ຮັບການແຕ່ງຕັ້ງໃຫ້ເປັນຄູສອນປະຣິຍັດຕິທັມ ທີ່ວັດບ້ານທ່ານ້ອງ
– ຄ.ສ. 1964 ຮຽນຈົບ ປ.ທ.6 ທີ່ໂຮງຮຽນປະຣິຍັດຕິທັມ ວັດໂພທິຣັຕນະສາສດາຣາມ(ວັດຫລວງປາກເຊ),ເມືອງປາກເຊ, ແຂວງຈຳປາສັກ.
– ຄ.ສ. 1968 ສອບທຽບຊັ້ນມັດທະຍົມ 4 ທີ່ວັດໂພທິຣັຕນະສາສດາຣາມ.

IMG_7525

ຕຳແໜ່ງທາງການສົງ

-ປີ ຄ.ສ. 1969 ໄດ້ຮັບການແຕ່ງຕັ້ງໃຫ້ເປັນເຈົ້າອະທິການວັດສົມສະຫງັດ(ບ້ານຝາຍ) ນະຄອນຫລວງວຽງຈັນ.
– ປີ ຄ.ສ. 1975 ໄດ້ຮັບການແຕ່ງຕັ້ງໃຫ້ເປັນເຈົ້າຄະນະຕາແສງໂພນໄຊ
– ປີ ຄ.ສ. 1975 ເປັນຮອງປະທານ ອ.ພ.ສ. ເມືອງໄຊເຊດຖາ ນະຄອນຫລວງວຽງຈັນ.
– ປີ ຄ.ສ. 1999 ເປັນຮອງປະທານ ອ.ພ.ສ. ເມືອງໄຊເຊດຖາ
– ປີ ຄ.ສ. 2011 ເປັນຮອງປະທານສູນກາງອົງການພຸດທະສາສນາສໍາພັນລາວ ອົງທີ 4 ຮັບຜິດຊອບດ້ານການປົກຄອງສົງທົ່ວປະເທດ.
– ປີ ຄ.ສ. 2016 ເປັນຮອງປະທານສູນກາງອົງການພຸດທະສາສນາສໍາພັນລາວ, ຮອງອົງທີ1, ເປັນຫົວໜ້າກຳມາທິການປົກຄອງສົງທົ່ວປະເທດ.

IMG_7549IMG_7596

ຂໍ້ມູນປະຫວັດໂດຍ: ພຣະມະຫາ ດຣ.ບຸນທະວີ ວິໄລຈັກຣ໌
ຂ່າວແລະພາບໂດຍ: ເພຈພຣະພຸດທະສາສນາ

Advertisements

ຕອບກັບ

Please log in using one of these methods to post your comment:

WordPress.com Logo

You are commenting using your WordPress.com account. Log Out /  ປ່ຽນ )

Google+ photo

You are commenting using your Google+ account. Log Out /  ປ່ຽນ )

Twitter picture

You are commenting using your Twitter account. Log Out /  ປ່ຽນ )

Facebook photo

You are commenting using your Facebook account. Log Out /  ປ່ຽນ )

w

Connecting to %s