ພຣະພຸດທະຮູບໄກປໍລໍ ສັກສິດແຫ່ງເມືອງມອນ

kyaikpawlaw

photo credit: Nummpeung

ພຣະໄຝເລື່ອນ ຫລືພຣະໄກປໍລໍສັກສິດ

ພຣະພຸດທະຮູບໄກປໍລໍ(Kyaikpawlaw) ຫລືທີ່ເປັນພາສາລາວເຮົາວ່າ ພຣະໄຝເລື່ອນ ເປັນພຣະພຸດທະຮູບສັກສິດອົງໜຶ່ງຂອງປະເທດພະມ້າ. ປັດຈຸບັນປະດິດສະຖານຢູ່ທີ່ວັດໄກປໍລໍ ເຊິ່ງເປັນວັດທີ່ຕັ້ງຊື່ຕາມນາມຂອງພຣະພຸດທະຮູບອົງນີ້ ຢູ່ໃນເມືອງການຕໍ (Kantkaw township), ຣັຖມອນ ໃນປະເທດພະມ້າ.

ກ່ອນໜ້ານີ້ 221 ປີ ຫລັງຈາກພຣະພຸດທະເຈົ້າປະຣິນິພພານແລ້ວ ນະດິນແດນແຫ່ງເກາະລັງກາ ຫລືທີ່ເອີ້ນວ່າ ປະເທດສີລັງກາ, ໃນສະໄໝນັ້ນ ມີພຣະຣາຊາຕົນໜຶ່ງນາມວ່າ: ເທວານັງປິຍະຕິດສະ ໄດ້ເຂົ້າໄປຂາບນະມັດສະການຂໍຄຳປຶກສານຳພຣະມະຫິນທະເຖຣະ ເຊິ່ງເປັນພຣະລູກຊາຍຂອງພຣະເຈົ້າອະໂສກມະຫາຣາຊ ແຫ່ງພາຣະຕະປະເທດ ຜູ້ທີ່ໄດ້ເຂົ້າບວດເພື່ອອຸທິດຕົນເພື່ອພຣະພຸດທະສາສນາ ແລະໄດ້ນຳເອົາພຣະພຸດທະສາສນາໄປສູ່ສີລັງກາໃນຕອນນັ້ນ. ພຣະຣາຊາໄດ້ຂໍປຶກສານຳພຣະເຖຣະ ເລື່ອງການສົ່ງພຣະພຸດທະຮູບ 4 ອົງພ້ອມດ້ວຍພຣະເກສາຂອງພຣະພຸດທະເຈົ້າໃຫ້ລອຍໄປຕາມນ້ຳສູ່ປະເທດທີ່ນັບຖືພຣະພຸດທະສາສນາ ຈິ່ງມາຕົກໃນດິນແດນເຂດແຄວ້ນຣັຖມອນໃນປະເທດພະມ້າ, ອົງໜຶ່ງ ປະດິດສະຖານຢູ່ວັດກາງນ້ຳ (Kyaikhami mid-water pagoda), ອົງທີສອງປະດິດສະຖານຢູ່ເມືອງປະທວຍ(Pathein), ອົງທີສາມຢູ່ວັດຊິນໂມກຕີ (Shin Moktee pagoda)ຢູ່ເມືອງດະເວ(Dawei) ທາງພາກໃຕ້ຂອງພະມ້າ, ອົງທີສີ່ ແມ່ນພຣະໄຝເລື່ອນນີ້ເອງ.

ຈຸດພິເສດລັກສະນະຂອງພຣະໄຝເລື່ອນອົງນີ້ມີຄື:

◉ ມີສາຍພຣະເນດແວວວາວດຳນິນ ເບິ່ງຄືມີຊີວິດຊີວາ
◉ ເຖິງແມ່ນວ່າຈະເອົາຊ້າງແລະມ້າມາລາກແກ່ໄປ ກໍບໍ່ໄປ ບໍ່ສາມາດແກ່ລາກໄປໄດ້
◉ ເປັນພຣະພຸດທະຮູບຫີນອ່ອນຢົກ(rock cartwheel) ທີ່ໄຫລຟູນ້ຳມາ
◉ ມີໄຝຢູ່ພຣະພັກ(ໃບໜ້າ) ທີ່ເລື່ອນໄປມາຍ້າຍບ່ອນໄດ້ ເຖິງແມ່ນວ່າຈະມີຄົນເອົາຄຳປິວມາຕິດ ກໍບໍ່ຈາງຫາຍ
◉ ບາງຄັ້ງຍາມວັນສີນ ຈະອອກແສງ ຄືມີແສງສະຫວ່າງໃນອົງພຣະໂດຍບໍ່ຕ້ອງເປີດໄຟ ແລະມີຕາກະພິບ ຫລືພັບຕາ.
◉ ເປັນພຣະພຸດທະຮູບສັກສິດ ແລະມີປົກກະຕິຫັ້ນພຣະພັກ(ໜ້າ)ໄປທາງທິດທີ່ເປັນທີ່ຕັ້ງຂອງປະເທດສີລັງກາ ຍ້ອນວ່າເພິ່ນມາແຕ່ສີລັງກາ.

ຊາວພະມ້າທົ່ວໄປ ຈິ່ງຮູ້ວ່າເປັນພຣະພຸດທະຮູບສັກສິດ ມີອະພິນິຫານເກີດຂຶ້ນຈົນຊິນຕາ ເປັນທີ່ຮູ້ຈັກກັນດີ. ເມື່ອບຸກຄົນໃດໄປຂາບໄຫວ້ ແລະຕັ້ງຈິດອະທິດຖານຂໍພອນ ຈະສົມດັ່ງໃຈປາຖນາ. ສະນັ້ນ ຈິ່ງມີຄົນເຄົາລົບສັດທາແລະຫລັງໄຫລໄປຂາບໄຫວ້ຈາກທຸກສາລະທິດຢ່າງບໍ່ຂາດສາຍໃນແຕ່ລະມື້.

ແຫລ່ງຂໍ້ມູນ:

1.http://myanmartravelinformation.com/around-kyaikhtiyo/kyaikpawlaw-pagoda.html
2.http://myanmartravelinformation.com/mon-state/kyaikpawlaw-buddha-image.html

__________________________________
ນຳສະເໜີໂດຍ: ທັມມະທາຣາ

 

 

 

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 64 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.