ພຣະຣັຕຕະນະໄຕຣ 3 ຢ່າງ

photo credit

ຣັດຕະນະ 3 ຢ່າງ

  1. ພຣະພຸດທະເຈົ້າ
  2. ພຣະທັມມະເຈົ້າ
  3. ພຣະສັງຂະເຈົ້າ

ທ່ານຜູ້ສອນໃຫ້ປວງຊົນປະພຶດດີງາມ ດ້ວຍກາຍວາຈາໃຈ ຕາມພຣະທັມມະວິນັຍ ທ່ານເອີ້ນວ່າພຣະພຸດທະສາສນາ ຊື່ວ່າ ພຣະພຸດທະເຈົ້າ

ພຣະທັມມະວິນັຍ ອັນເປັນຄຳສັ່ງສອນຂອງທ່ານ ຊື່ວ່າ ພຣະທັມມະເຈົ້າ.ປວງຊົນທີ່ຟັງຄຳສັ່ງສອນຂອງທ່ານ ແລ້ວປະຕິບັດຖືກຕ້ອງຕາມພຣະທັມມະວິນັຍຊື່ວ່າ ພຣະສົງຄ໌.

ຄຸນຂອງພຣະຣັດຕະນະໄຕຣມີ 3 ຢ່າງ

  1. ພຣະພຸດທະເຈົ້າຮູ້ດີຮູ້ຊອບດ້ວຍພຣະອົງເອງກ່ອນແລ້ວ

      ສອນຜູ້ອື່ນໃຫ້ຮູ້ຕາມດ້ວຍ.

  1. ພຣະທັມ ຍ່ອມຮັກສາຜູ້ປະພຶດທັມ
  2. ພຣະສົງຄ໌ປະຕິບັດຖືກຕ້ອງຕາມຄໍາສັ່ງສອນ ຂອງພຣະ

      ພຸດທະເຈົ້າແລ້ວ ສອນຜູ້ອື່ນໃຫ້ຮູ້ຕາມດ້ວຍ.

ຄຳອະທິບາຍ: ພຣະພຸດທະເຈົ້າຮູ້ດີຮູ້ຊອບນັ້ນໝາຍເອົາຮູ້ອະຣິຍະສັດ 4 ຄື: ຮູ້ທຸກ 1, ຮູ້ເຫດໃຫ້ເກິດທຸກ 1, ຮູ້ຄວາມໝົດທຸກ 1, ຮູ້ຂໍ້ປະຕິບັດໃຫ້ເຖິງຄວາມໝົດທຸກ 1. ພຣະທັມຍ່ອມຮັກສາຜູ້ປະພຶດທັມຄື: ຮັກສາຜູ້ປະຕິບັດໃຫ້ພົ້ນຈາກຄວາມຊົ່ວ 2 ປະເພດຄື ຄວາມຊົ່ວໃນພົບນີ້ໄດ້ແກ່ການຖືກຈັບກຸມພົນຈາກຣາຊະພັຍ ໂຈຣະພັຍເປັນຕົ້ນ ແລະ ຄວາມຊົ່ວໃນພົບໜ້າໄດ້ແກ່ອະບາຍຍະພູມ 4 ຄື ນະຣົກ 1, ເຜດ 1, ອະສຸຣະກາຍ 1, ສັດເດັຍຣະສານ 1, ພຣະສົງຄ໌ຜູ້ປະຕິບັດຊອບຕາມຄຳສັ່ງສອນຂອງພຣະພຸດທະເຈົ້າແລ້ວ ສອນຜູ້ອື່ນໃຫ້ຮູ້ຕາມພຣະສັດຈະທັມ 3 ຄື ພຣະປະຕິຍັດຕິທັມ 1, ພຣະປະຕິບັດຕິທັມ 1 ແລະ ພຣະປະຕິເວທະທັມ.

ໂອວາດຂອງພຣະພຸດທະເຈົ້າ 3 ຢ່າງ

  1. ເວັ້ນຈາກທຸຈະຣິດຄື: ປະພຶດຊົ່ວດ້ວຍກາຍ, ວາຈາ ແລະຈິດໃຈ
  1. ປະກອບສຸຈະຣິດຄື: ປະພຶດຊອບດ້ວຍກາຍ, ວາຈາແລະຈິດໃຈ
  1. ຮັກສາໃຈຂອງຕົນໃຫ້ບໍຣິສຸດຈາກເຄື່ອງເສົ້າໝອງ ມີຄວາມ

     ໂລບຄວາມຮ້າຍ ແລະ ຄວາມຫຼົງເປັນຕົ້ນ.

ຄຳອະທິບາຍ:ການບໍ່ເຮັດບາບທັງປວງ ຊື່ວ່າເວັ້ນຈາກທຸຈະຣິດ ການພຳເພັນກຸສົນ ຊື່ວ່າປະກອບສຸຈະຣິດການຊຳຮະຈິດໃຈຂອງຕົນໃຫ້ບໍຣິສຸດສະອາດ ຊື່ວ່າການຊຳຮະໃຈຂອງຕົນໃຫ້ບໍຣິສຸດຈາກເຄື່ອງເສົ້າໝອງໃຈ ຄຳວ່າ “ເວັ້ນ” ນັ້ນຈຳແນກໂດຍອາການ 3 ຢ່າງຄື: 1. ເວັ້ນໃນເວລາປະສົບພົບເຂົ້າ ຊື່ວ່າ ສັມປັດຕະວິຣັດ 2. ເວັ້ນໂດຍຮັບຮອງໄວ້ກ່ອນ ຊື່ວ່າ ສະມາທານະວິຣັດ 3. ເວັ້ນໄດ້ຢ່າງເດັດຂາດ ຊື່ວ່າ ສະມຸດເສທະວິຣັດ ຯ ຄຳວ່າບາບທັງປວງນັ້ນ ໄດ້ແກ່ຄວາມຊົ່ວຮ້າຍເສັຍຫາຍຕ່າງໆ.

ຮີບໂຮມໂດຍ: ພິທິນັນທະ ພິກຂຸ, ຖ້າທ່ານໃດຢາກອ່ານລາຍລະອຽດຂອງທັມມະຕໍ່ຈັກພຣະຣັຕຕະນະໄຕຣ 3 ຢ່າງຕື່ມອີກ ເຊັນກົດໃສ່ link ຂ້າງນີ້ Triple Gems

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 64 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.