ຫລັກ 10 ປະການ ໃນການປະຕິບັດທັມໃຫ້ໄວທີ່ສຸດ

2464_1

ພຣະພຸດທະອົງຊົງພຣະເມດຕາຕັດສອນ ເມື່ອວັນພະຫັດທີ 8 ເດືອນຕຸລາ ປີ 2535 ທີ່ວັດທ່າຊຸງ ມີຄວາມສຳຄັນວ່າ ການປຕິບັດທັມຂອງຕະຖາຄົດຕ້ອງໄວໆ ບໍ່ຊັກຊ້າ, ບໍ່ປະໝາດ ໂດຍພະຍາຍາມໃຊ້ເວລາໃຫ້ເກີດປະໂຫຍດຫລາຍທີ່ສຸດ ຫລື ເສຍເວລານ້ອຍທີ່ສຸດ ອາດຕະມາຂໍສະຫລຸບເປັນຂໍ້ໆ ເພື່ອສະດວກໃນການຈົດຈຳ ແລ້ວນຳໄປປະຕິບັດໃຫ້ເກີດມັກຜົນ ມີຫລັກ 10 ປະການດັ່ງນີ້:

  1. ເຈົ້າຈົ່ງໝັ່ນພິຈາລະນາສະຣີຣະໃຫ້ເໜົ່າເປື່ອຍສົກກະປົກ( ໃຫ້ພິຈາລະນາກາຍະຄະຕາແລະອະສຸພະ)
  2. ເຈົ້າຈົ່ງໝັ່ນພິຈາລະນາເຖິງຄວາມຕາຍທຸກລົມຫາຍໃຈເຂົ້າອອກ( ໃຫ້ພິຈາລະນາມໍຣະນາແລະອານາປາ)
  3. ເຈົ້າຈົ່ງໝັ່ນພິຈາລະນາກົດຂອງກັມ, ໂທດຂອງກາມ ໃຫ້ເກີດຈົນຈິດຍອມຮັບ
  4. ໝັ່ນຂຶ້ນໄປເບິ່ງວິມານຂອງຕົນທີ່ພຣະນິພພານ ເພື່ອຍັງອາຣົມຈິຕຂອງຕົນໃຫ້ຜ່ອງໃສຢູ່ສະເໝີ.
  5. ໝັ່ນນຶກເຖິງຕະຖາຄົຕແລະພຣະພຸດທະເຈົ້າທຸກໆພຣະອົງຄ໌, ພຣະປັດເຈກກະພຸດທະເຈົ້າທຸກໆພຣະອົງຄ໌, ພຣະອໍຣະຫັນຕ໌ສາວົກທັງປວງທີ່ຈົບກິຈໃນພຸດທະສາສນາແລ້ວວ່າ ທ່ານມາແດນພຣະນິພພານໄດ້ຢ່າງໃດ ໝັ່ນຈົດນຳແລະທຳມັກຜົນນັ້ນໆໃຫ້ເກີດ.
  6. ລະລຶກສະເໝີວ່າ ມະນຸດໂລກ, ເທວະໂລກ, ພຣົມມະໂລກ ບໍ່ໄດ້ສູງສຸດຈິງ ເປັນພຽງອາໄສພັກທຸກຊົ່ວຄາວ ບໍ່ດົນກໍຕ້ອງໄດ້ໄປເກີດໃໝ່ ແຕ່ສ່ວນໃຫຍ່ຕ້ອງລົງອະເວຈີມະຫານະຮົກ  ເຮົາຈະບໍ່ຕ້ອງການມັນອີກ(ໃຫ້ຕັດອະວິຊຊາ ຫລື ສັງໂຍຊນ໌ 10 ຫລືອຸປະສະມານຸສສຕິນັ້ນເອງ)
  7. ເມື່ອເຈົ້າເຫັນຄົບວົງຈອນແລ້ວ ຈິດກໍຈົ່ງໝັ່ນພິຈາຣະນາຕາມນັ້ນ ຈົນເກີດຄວາມເບື່ອໜ່າຍ ເພາະເຫັນທຸກ, ເຫັນໄພ, ເຫັນໂທສໄດ້ຢ່າງຊັດເຈນ (ເຫັນກົດຂອງກັມ ໂທດຂອງກາມ)
  8. ກົດຂອງກັມໃດໆທີ່ເກີດຂຶ້ນກັບໃຈ ເຈົ້າຕ້ອງຍອມຮັບກັມນັ້ນ ກຳໜົດຈິດ ຢ່າງຜູ້ມີສະຕິຮູ້ສຶກວ່າ ຜົນຂອງກັມນີ້ມີເຫດອັນເນື່ອງມາຈາກເຮົາເປັນຜູ້ກໍ່ເອົາໄວ້ ໃນຊາດກ່ອນ ເພາະລະເມີດສີລ 5 ມາກ່ອນທັງສິ້ນ ຂໍຍອມຮັບກັມນີ້ໂດຍສະຫງົບ ແລະຂໍຮັບເປັນຄັ້ງສຸດທ້າຍ, ຊາດຕໍ່ໄປ ຂຶ້ນຊື່ວ່າ: ການເກີດມີຮ່າງກາຍ ອັນເປັນທີ່ຕັ້ງແຫ່ງທຸກ ຈະບໍ່ມີກັບເຮົາອີກ, ມີພຣະນິພພານເປັນທີ່ໄປ(ໃຫ້ເຄົາຣົບແລະຍອມຮັບ ກົດຂອງກັມ).
  9. ຈะຣິຍາໃດໆ ທີ່ຂັດຕໍ່ສີລທັມ ຂໍຍົກເລີກການກະທຳນັ້ນໆ ດ້ວຍການເອົາຊີວິດເປັນເດີມພັນ ຄື ຍອມຕາຍດີກວ່າຜິດສີລ ຫລື ທັມນັ້ນໆ (ໃຫ້ຊົງອະທິສີລ)
  10. ເຮົາຈະປະພຶດແລະປະຕິບັດສີລແລະທັມນັ້ນໆດ້ວຍຊີວິດ ເຖິງແມ່ນວ່າຈະຕາຍກໍຊ່າງ ຫາກຕາຍເຮົາກໍຈະເຂົ້າພຣະນິພພານຈຸດດຽວ.

 

ແປຈາກທີ່ມາ: ທັມທີ່ນຳໄປສູ່ຄວາມຫລຸດພົ້ນ ຫົວທີ 5, ຫລວງປູ່ລືສີລິງດຳ

Advertisements

ຕອບກັບ

Please log in using one of these methods to post your comment:

WordPress.com Logo

You are commenting using your WordPress.com account. Log Out /  ປ່ຽນ )

Google+ photo

You are commenting using your Google+ account. Log Out /  ປ່ຽນ )

Twitter picture

You are commenting using your Twitter account. Log Out /  ປ່ຽນ )

Facebook photo

You are commenting using your Facebook account. Log Out /  ປ່ຽນ )

w

Connecting to %s