ວິທະຍາໄລພຸດທະສາສະໜານານາຊາດ ກຳລັງເກີດຂຶ້ນທີ່ປະເທດອູການດາ

ຕາມການລາຍງານຂອງເວັບໄຊທ໌ palungjit.org ໄດ້ບອກວ່າ ວິທະຍາໄລພຸດນານາຊາດແຫ່ງໃໝ່ໄດ້ເກີດຂຶ້ນແລ້ວໃນອະນຸທະວີບອັບຟຣິກາ ໂດຍມີສົມເດັດພຣະຣາຊິນີ ນາຖເບສຕ໌ ເຄມິກິສາ ແຫ່ງອານາຈັກໂຕໂຣຂອງປະເທດອູກັນດາ ໄດ້ຊົງຂຸດດິນເປັນຣືກພິທີ ຂຶ້ນທີ່ສຳນັກສົງແຫ່ງອູກັນດາ ເພື່ອກໍ່ຕັ້ງວິທະຍາໄລພຸດທະສາສະໜານານາຊາດແຫ່ງໃໝ່ຂຶ້ນ ເມື່ອວັນທີ 10 ສິງຫາ 2018 ນີ້ ພາຍໃຕ້ການນຳພາຂອງພຣະພຸດທະຣັກຂິຕ ຫຼືນາມເດີມວ່າ ສະຕີເວັນ ຄາບອກໂກຊາ(Steven Kaboggoza) ຕັ້ງຢູ່ທາງທິດຕາເວັນອອກຂອງທະວີບແອຟຣິກາ.

ພຣະອາຈານພຸດທະຣັກຂິຕະ ເປັນພຣະອູການດາ ສາຍເຖຣະວາດອົງທຳອິດ ທີ່ໄດ້ນຳເອົາພຣະພຸດທະສາສນາເຂົ້າໄປເຜີຍແຜ່ຢູ່ໃນປະເທດອູກັນດາເມື່ອວັນທີ 10 ເມສາ 2005. ເຄີຍສຶກສາພຸດທະສາສະໜາທີ່ປະເທດສີລັງກາ, ປະເທດໄທ ແລະປະເທດພະມ້າມາເປັນເວລາຫຼາຍປີ, ເຄີຍເຂົ້າຮ່ວມກອງປະຊຸມນານາຊາດກ່ຽວກັບພຸດທະສາສະໜານານາຊາດຫຼາຍຄັ້ງ. ຄົນໃນຄອບຄົວຂອງເພິ່ນນັບຖືສາສະໜາອື່ນໝົດ ມີແຕ່ເພິ່ນຜູ້ດຽວທີ່ນັບຖືພຸດ. ຕໍ່ມາ ເມື່ອໄດ້ນຳເອົາພຸດທະສາສນາເຂົ້າໄປເຜີຍແຜ່ໃນປະເທດອູການດາ ເພິ່ນກໍໄດ້ພະຍາຍາມນຳພາພໍ່ອອກແມ່ອອກ ໄຫວ້ພຣະສູດມົນ ແລະຝຶກສະມາທິ ຫຼ້າສຸດເພິ່ນໄດ້ຊວນແມ່ເຂົ້າມາບວດເປັນແມ່ຂາວຢູ່ນຳ.
Ven.-Buddharakkhita-8

ການເຜີຍແຜ່ພຸດທະສາສນາທີ່ຈະເຮັດໃຫ້ກວ້າງໄກແລະດຳລົງຄົງໂຕໄດ້ຍາວນານນັ້ນ ຕ້ອງແມ່ນຜ່ານຂະບວນການສຶກສາທີ່ເປັນລະບົບ ປະກອບກັບການປະຕິບັດ. ສະນັ້ນ, ທ່ານພຣະອາຈານພຸດທະຣັກຂິຕ ຈິ່ງເຫັນໄດ້ຄວາມສຳຄັນໃນຈຸດນີ້ ຈິ່ງໄດ້ພະຍາຍາມສ້າງຕັ້ງວິທະຍາໄລພຸດທະສາສນາຂຶ້ນ ເຊິ່ງເປັນວິທະຍາໄລໃນລະບົບນານາຊາດ ເຊິ່ງສາມາດເຊື່ອມໂຍງພົວພັນ ເຂົ້າກັບບັນດາເຄືອຂ່າຍມະຫາວິທະຍາໄລທີ່ມີຫຼັກສູດພຸດທະສາສນາໄດ້ ເຊິ່ງເປັນນິມິດໝາຍທີ່ດີ ນັບວ່າເປັນການເບິ່ງກ້ວາງເຫັນໄກຂອງພຣະສົງອົງໜຶ່ງ ແລະອົງທຳອິດໃນອະນຸທະວີບອັຟຣິກາ ທີ່ສາມາດເຮັດໄດ້
ຈິ່ງເປັນທີ່ໜ້າຍິນດີແລະອະນຸໂມທະນາຢ່າງຍິງ.

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 78 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.