ອິນເດຍຈັດປະຊຸມພຸດທະສາສະໜານານາຊາດຄັ້ງທີ 6

 

ໃນລະຫວ່າງວັນທີ 23 ຫາ ວັນທີ 26 ສິງຫາ 2018 ທີ່ຜ່ານມາ ປະເທດອິນເດຍໄດ້ເປັນເຈົ້າພາບຈັດກອງປະຊຸມພຸດທະສາສະໜານານາຊາດ(International Buddhist Conclave)ຂຶ້ນ ທີ່ສູນປະຊຸມວິຄະຍັນພາວັນ(Vigyan Bhawan)ທີ່ກຸງນິວເດລີ ເປັນປະທານເປີດການປະຊຸມໂດຍ ພະນະທ່ານ ຣາມ ນາດ ໂກວິນ Ram Nath Kovind, ປະທານປະເທດອິນເດຍ. ກອງປະຊຸມໄດ້ຈັດຂຶ້ນໂດຍກະຊວງການທ່ອງທ່ຽວ ຮ່ວມກັບລັດຖະບານໃນລັດມະຫາຣາຊະຕຣະ, ພິຫາຣ໌, ແລະອຸດຕະຣະປະເທດ ແລະຮ່ວມມືກັບລັດຖະບານຍີ່ປຸ່ນ. ການປະຊຸມປະກອບມີຫົວຂໍ້ຫລັກຄື: “Buddha Path-The Living Heritage” ທາງແຫ່ງພຸດທະ-ມໍຣະດົກທີ່ຍັງຄົງຢູ່. ໃນຂະນະດຽວກັນ ກອງປະຊຸມຍັງໄດ້ຖືໂອກາດເປີດນຳໃຊ້ເວັບໄຊທ໌ເພື່ອສົ່ງເສີມການທ່ອງທ່ຽວທີ່: www.landofbuddha.in ເພື່ອເປັນແຫຼ່ງຂໍ້ມູນກ່ຽວກັບສະຖານທີ່ທ່ອງທ່ຽວໃນວັດເກົ່າແກ່ຕ່າງໆ ແລະໃນໄລຍະທີ່ຈັດປະຊຸມຜູ້ເຂົ້າຮ່ວມຈະໄດ້ໄປທັດສະນະສຶກສາທີ່ອຸຣັງກະບາດ, ຣາຊະຄຶ, ນາລັນທາ, ພຸດທະຄະຍາ ແລະສາຣະນາດ. ມີຄະນະຜູ້ແທນເຂົ້າຮ່ວມຈາກ 29 ​ປະເທດ ລວມມີ: ອົດສະເຕຼເລຍ, ບັງກລາເທດ, ພູຖານ, ບຣາຊິລ, ກຳປູເຈຍ, ແຄນາດາ, ຈີນ, ຝຣັ່ງ, ເຢຍຣະມັນ, ຮ່ອງກົງ, ອິນໂດເນເຊຍ, ຍີ່ປຸ່ນ, ລາວ, ມາເລເຊຍ, ມົງໂກເລຍ, ພະມ້າ, ເນປານ, ນໍເວ, ຣັດເຊຍ, ສິງກະໂປ, ເກົາຫຼີໃຕ້, ສະໂລວາເກຍ, ສະເປນ, ສີລັງກາ, ໄຕ້ຫວັນ, ໄທ, ອາເມຣິກາ, ແລະຫວຽດນາມ ເຊິ່ງລວມມີນັກປາດທາງພຸດທະສາສະໜາທີ່ມີຊື່ສຽງ, ພຣະສົງ, ນັກຄິດ, ນັກຂ່າວ, ນັກການທູດ, ຜູ້ນຳທາງສັງຄົມ ແລະນັກທຸລະກິດ.

39913528_2126262167384384_5870223221269200896_n

ເນື້ອໃນຂອງກອງປະຊຸມເນັ້ນໃສ່ມິຕິທາງຈິດວິນຍານ ນັ້ນກໍຄືຫຼັກທັມຄຳສອນ, ວິຊາການ, ການທູດ ແລະພາກທຸລະກິດ.  ຈຸດປະສົງກໍເພື່ອສະແດງໃຫ້ເຫັນເຖິງມໍຣະດົກທາງພຸດທະສາສະໜາໃນອິນເດຍ, ເພື່ອສົ່ງເສີມສະຖານທີ່ທ່ອງທ່ຽວທາງພຸດທະສາສະໜາໃນອິນເດຍ, ແລະເພື່ອເສີມສ້າງສາຍພົວພັນມິດຕະພາຍກັບບັນດານາໆປະເທດແລະປະຊາຄົມທີ່ມີຄວາມສົນໃຈໃນພຸດທະສາສະໜາ. ຫົວຂໍ້ຫຼັກທີ່ກ່າວເຖິງ ແມ່ນຊີ້ໃຫ້ເຫັນເຖິງສະຖານທີ່ມໍລະດົກທາງພຸດທະສາສະໜາແປດຢ່າງ ຫຼື(ໃນພາສາປາລີເອີ້ນວ່າ: ອັດຖະມະຫາຖານານິ) ເຊິ່ງສະຖານທີ່ແປດແຫ່ງນີ້ ມີສ່ວນກ່ຽວຂ້ອງກັບເຫດການສຳຄັນໃນຊີວິດຂອງພຣະພຸດທະເຈົ້ານັບແຕ່ມື້ປະສູດ, ຕັດສະຮູ້ ແລະປະຣິນິບພານ. ສະຖານທີ່ທີ່ເປັນມໍລະດົກທີ່ຍັງເຫັນປະຈັກແຈ້ງນີ້ ຍັງຈະສືບຕໍ່ເປັນແຮງບັນດານໃຈໃຫ້ແກ່ຄົນນັບລ້ານໆຄົນທີ່ກຳລັງເດີນຕາມເພື່ອສະແຫວງຫາສັນຕິສຸກ, ຄວາມສາມັກຄີ ແລະຄວາມປອງດອງ.

40054265_2129092023768065_625987587856662528_n

ເນື່ອງຈາກວ່າ ອິນເດຍເຫັນໄດ້ແນວໂນ້ມຂອງຄວາມສຳຄັນກ່ຽວກັບການທ່ອງທ່ຽວໃນສະຖານທີ່ສຳຄັນທາງພຸດທະສາສະໜາຄືແນວນີ້ ຈິ່ງໄດ້ສືບຕໍ່ຈັດກອງປະຊຸມ ເພື່ອສົ່ງເສີມການທ່ອງທ່ຽວແລະເພື່ອສ້າງສາຍສຳພັນອັນດີງາມກັບບັນດານານາປະເທດ ເຊິ່ງເປັນເສັ້ນທາງຂອງການເສີມຂະຫຍາຍພັດທະນາປະເທດຊາດ, ການທູດ ແລະວັດທະນະທຳຢ່າງມີຄວາມໝາຍສຳຄັນ ເພື່ອໃຫ້ວຽກງານດັ່ງກ່າວປະຈັກແຈ້ງແກ່ບັນດາປະເທດຕ່າງໆ ເພື່ອນຳຄວາມອຸດົມສົມບູນມາສູ່ທຸລະກິດການທ່ອງທ່ຽວແລະເພື່ອສ້າງສັນມິດຕະພາບອັນດີງາມກັບບັນດານານາປະເທດ.

40053769_2125921100751824_1106453733740380160_n

 

Advertisements

ຕອບກັບ

Please log in using one of these methods to post your comment:

WordPress.com Logo

You are commenting using your WordPress.com account. Log Out /  ປ່ຽນ )

Google+ photo

You are commenting using your Google+ account. Log Out /  ປ່ຽນ )

Twitter picture

You are commenting using your Twitter account. Log Out /  ປ່ຽນ )

Facebook photo

You are commenting using your Facebook account. Log Out /  ປ່ຽນ )

Connecting to %s