ກວດໃຫ້ດີກ່ອນເປັນເຜດໂດຍບໍ່ຮູ້ຕົວ, 17 ພຶດຕິກຳທີ່ຈະເຮັດໃຫ້ເປັນເຜດ

ແທ້ຈິງແລ້ວຕົວເອງເປັນ ນິໄສເທວະດາເຮັດບຸນ ຫລື ນິໄສເປັນເຜດເຮັດບຸນ  ກວດໃຫ້ລະອຽດ ກ່ອນເປັນເຜດໂດຍບໍ່ຮູ້ຕົວ.

ພຣະອາຈານຊູຊາດ ອະພິຊາໂຕ ທັມມະບົນເຂົາ ນະສາລາເຂດປະຕິບັດທັມເຂົາຊີໂອນ ວັດຍານະສັງວະຣະມະຫາວິຫານ ຊົນບູລີ. ເພິ່ນໄດ້ເວົ້າໄວ້ກ່ຽວກັບນິໄສຂອງຄົນ, ເປັນການເວົ້າໃຫ້ຂໍ້ຄິດ ຫລືປຽບທຽບນິໄສຂອງມະນຸດວ່າເປັນຢ່າງໃດ ແລະທ່ານໄດ້ເຄີຍບອກໄວ້ວ່າ ນິໄສເທວະດາເຮັດບຸນ ກັບນິໄສຂອງເຜດເຮັດບຸນນັ້ນແຕກຕ່າງກັນຢ່າງໃດ ເຊິ່ງມັນສະທ້ອນກັບສັງຄົມປັດຈຸບັນຢ່າງຫຼາຍ. ໄປເບິ່ງກັນວ່ານິໄສໃນການເຮັດບຸນຂອງເຜດແລະເທວະດາເປັນແນວໃດ ພ້ອມທັງ 17 ພຶດຕິກຳ ຖ້າຈະເປັນເຜດ….

ເທວະດາກັບເຜດຢູ່ຄົນລະມູມກັນ, ຢູ່ຄົນລະດ້ານກັນ ເທວະດາຈະບໍ່ເຮັດບາບ ຈະມີແຕ່ໃຫ້ ຈະບໍ່ຢາກໄດ້ອັນໃດ ຢາກໃຫ້ ເມື່ອໃຫ້ແລ້ວກໍມີຄວາມສຸກ.

ເຜດນີ້ມີແຕ່ຢາກໄດ້ ໄດ້ແລ້ວກໍມີຄວາມສຸກ ໄດ້ແບບບໍ່ຖືກ, ໄດ້ດ້ວຍການເຮັດບາບ ດ້ວຍການສໍ້ໂກງ, ດ້ວຍການຂີ້ຕົວະຫຼອກລວງ, ດ້ວຍການລັກຊັບ, ດ້ວຍການຂ້າຜູ້ອື່ນ. ອັນນີ້ຈະເຮັດໃຫ້ໃຈຫິວໂຫຍ ໄດ້ເທົ່າໃດກໍບໍ່ພໍ ໄດ້ໜຶ່ງລ້ານກໍຢາກຈະໄດ້ສອງລ້ານ, ໄດ້ສອງລ້ານກໍຢາກຈະໄດ້ສາມລ້ານ ອັນນີ້ກໍເຮັດໃຫ້ຫິວ ຢາກໄດ້ເພີ່ມຂຶ້ນເລື້ອຍໆ.

ສ່ວນຄົນທີ່ມັກໃຫ້ ຈະບໍ່ໂລບຢາກໄດ້ ຢາກແຕ່ຈະໃຫ້, ໃຫ້ແລ້ວມີຄວາມສຸກ, ແລ້ວບໍ່ຢາກບຽດບຽນຜູ້ອື່ນ, ບໍ່ຢາກເຮັດບາບ, ທຳມາຫາກິນດ້ວຍວິທີສຸຈະລິດ, ໄດ້ເງິນມາຫຼາຍເກີນກວ່າຈະໃຊ້ໄດ້ ກໍເອົາໄປເຮັດບຸນທຳທານ. ນີ້ເປັນລັກສະນະຂອງເທວະດາ ບໍ່ໄດ້ຫວັງຈະຕ້ອງຮັ່ງມີມະຫາສານ ພຽງແຕ່ທຳມາຫາກິນພໍຢູ່ໄດ້ກິນໄດ້ ບໍ່ເດືອດຮ້ອນກໍພໍແລ້ວ ນິໄສເທວະດາຈະແບບນີ້ ບໍ່ໂລບ ບໍ່ຢາກໄດ້ເກີນຄວາມຈຳເປັນ ຂໍໃຫ້ພໍມີພໍກິນ ເມື່ອມີເກີນກວ່ານັ້ນກໍເອົາໄປເຮັດບຸນ.

ເຮົາເຄີຍບິນທະບາດທີ່ກຸງເທບຯ ມີຮ້ານຂາຍຂອງຢູ່ຮ້ານໜຶ່ງ ວັນໜຶ່ງໆ ເຂົາຈະໃສ່ບາດພຣະເປັນ 100 ອົງຫຸງເຂົ້າໝໍ້ໃຫຍ່ໆ ເຂົາກຽມໄວ້ ຖານະເຂົາກໍບໍ່ຮັ່ງມີພໍປານໃດ ມີຫ້ອງແຖວສອງຫ້ອງ ຂາຍຂອງຕາມປົກກະຕິ ແຕ່ໃຈບໍ່ໂລບ, ໃຈເຂົາມີຄວາມສຸກຈາກການເຮັດບຸນ ນີ້ແຫຼະຄືລັກສະນະຂອງເທວະດາ.

ພວກທີ່ມີຄວາມໂລບສ່ວນໃຫຍ່ ບໍ່ຄ່ອຍມີເວລາເຮັດບຸນ ພວກທີ່ເປັນເສດຖີຮ້ອຍລ້ານ ພັນລ້ານ ຖາມມັນເຄີຍໃສ່ບາດຫຼືບໍ່ ຖ້າເຮັດບຸນກໍເຮັດແບບເອົາໜ້າເອົາຕາ ຕ້ອງມີການຖ່າຍຮູບລົງໜັງສືພິມ ບໍລິສັດຂອງເຮົາໄດ້ເຮັດນັ້ນເຮັດນີ້ ອັນນີ້ບໍ່ໄດ້ເຮັດເພາະການໃຫ້ ແຕ່ເຮັດດ້ວຍຄວາມໂລບ, ໂລບຈະຂາຍໃຫ້ຫຼາຍຂຶ້ນ, ໂລບແບບເປັນການໂຄສະນາແຝງໃນຕົວປະຊາສຳພັນການຕະຫຼາດ. ຄົນທີ່ເຮັດບຸນດ້ວຍຄວາມໂລບ ມັນເຮັດແບບນີ້ ຈິ່ງບໍ່ໄດ້ເປັນເທວະດາ ກໍບັງເປັນເຜດຢູ່ນັ້ນລະ ເພາະຍັງໂລບຍັງຢາກໄດ້ຢູ່.

71660_full

17 ພຶດຕິກຳ ຖ້າເຮັດແລ້ວຈະເປັນເຜດ

  1. ເປັນຄົນອິດສາລິດສະຫຍາຄົນລ້ຳລວຍແລະສູງກວ່າຕົນ ດູຖູກດູແຄນຄົນຍາກຄົນຈົນ ແລະຕ່ຳກວ່າຕົວ
  2. ຂີ້ຖີ່ບໍ່ໃຫ້ທານ ແລະຍັງກີດກັນຄົນທີ່ຈະທຳທານ
  3. ນຳຊັບສິນຂອງພຣະພິກຂຸແລະສ່ວນລວມມາເປັນຂອງຕົນ
  4. ຕິສິນນິນທາ ກ່າວຮ້າຍພຣະ ແລະຄູບາອາຈານຂອງຕົນ
  5. ຍຸຍົງສົງແລະໝູ່ຄະນະໃຫ້ແຕກກັນ
  6. ໃຫ້ຢາຜູ້ຍິງມີຄັນເພື່ອທຳລາຍເດັກນ້ອຍໃນຄັນ
  7. ແຊ່ງດ່າຄົນທີ່ເຮັດບຸນ ແລະເຮັດຄວາມດີຕໍ່ສັງຄົມແລະພຣະສົງ
  8. ໃຊ້ອຸບາຍທຸຈະລິດໃນການຄ້າ
  9. ທຳຮ້າຍພໍ່ແມ່
  10. ບໍ່ຍອມໃຫ້ທານດ້ວຍເຂົ້າ ແລະຍັງສາບານຢືນຍັນວ່າບໍ່ມີເຂົ້າ ເຊິ່ງເປັນການກ່າວຂີ້ຕົວະ
  11. ລັກຂະໂມຍຂອງຄົນອື່ນມາກິນ ແລະສາບົດສາບານວ່າບໍ່ໄດ້ຂີ້ລັກ
  12. ກາງຄືນຖືສິນ ກາງເວັນເປັນນາຍພານ
  13. ເປັນເຈົ້າເມືອງຫຼືຜູ້ໃຫຍ່ທີ່ມັກກິນສິນຈ້າງລາງວັນ
  14. ເຮັດບຸນດ້ວຍຂອງເສດເຫຼືອ
  15. ຖວາຍພັດຕາຫານດ້ວຍເນື້ອໝາແລະເນື້ອສັດທີ່ມີເລັບ
  16. ຂົ່ມເຫັງບຽດບຽນຄົນທຸກຍາກ
  17. ຕັດໄມ້ທຳລາຍປ່າແລະສັດປ່າ

ou25i9jw88c5F47t7TI-o

 

ຂໍ້ມູນຈາກເວັບໄຊທ໌ www.palungjit.org , ພຣະອາຈານຊູຊາດ ອະພິຊາໂຕ

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 64 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.