ກຳປູເຈຍ ຄົ້ນພົບສີລາຈາລຶກກ່ຽວກັບຄວາມເປັນມາຂອງສຸວັນນະພູມ

ກຳປູເຈຍ ຄົ້ນພົບສີລາຈາລຶກກ່ຽວກັບຄວາມເປັນມາຂອງສຸວັນນະພູມ

ອີງຕາມເຟສບຸກຂອງພຣະອາຈານ ດຣ. ໂສວັນຣັຕນະ, ຮອງອະທິການບໍດີ ມະຫາວິທະຍາໄລສີຫະນຸຣາຊະວິທະຍາໄລ ແຫ່ງຣາຊະນາຈັກກຳປູເຈຍ ໄດ້ເປີດເຜີຍວ່າ ໄດ້ມີການຄົ້ນພົບສີລາຈາຯລືກທີ່ແກະສະລັກເປັນພາສາສັນສະກຣິຕ ໃນປີ ໖໓໓ ຄ.ສ ເຊິ່ງມີເນື້ອໃນຂຽນວ່າ: ໂສວະຣະນະຯຕູມິ(ສັນສະກຣິຕ) ຫຼື ສຸວັຯຍຯຍະຯຕູມິ(ພາສາປາລີ) ທີ່ໝາຍເຖິງ ແຜ່ນດິນຄຳ ແມ່ນຢູ່ພາຍໃຕ້ຣາຊະການຂອງພຣະຣາຊາແຫ່ງຣາຊະນາຈັກກຳປູເຈຍ ມີພຣະນາມວ່າ ອິສານະວໍຣະມັນ ທີ ໑ (໖໑໖-໖໓໗). ສີລາຈາລຶກດັ່ງກ່າວໄດ້ຖືກຂຸດຄົ້ນເມື່ອບໍ່ດົນມານີ້ຢູ່ທີ່ວັດ ຄີຣີສະດັກກົງ, ແຂວງກຳປົງສະປຶ ປະເທດກຳປູເຈຍ ແລະໄດ້ມີການເຮັດພິທີມອບໃຫ້ແກ່ຫໍພິພິທະພັນແຫ່ງຊາດ ທີ່ກຸງພະນົມເປັນ ເມື່ອວັນທີ ໒໑  ທັນວານີ້ ແລະດຽວນີ້ກໍໄດ້ເປີດໃຫ້ເຂົ້າຢ້ຽມຊົມແລ້ວ.

ຄຳວ່າ ສຸວັຯຍຯຍະຯຕູມິ ທີ່ໝາຍເຖິງແຜ່ນດິນຄຳນັ້ນ ເປັນທີ່ຮູ້ຈັກກັນໃນວົງການພຸທຯດະສາສນາ ໃນນາມການໄດ້ຮັບອິດທິພົນການເຜີຍແຜ່ພຸທຯດະສາສນາໃນຍຸກພຣະເຈົ້າອະໂສກມະຫາຣາຊ ທີ່ໄດ້ສົ່ງສະມະຯຍະທູຕອອກເຜີຍແຜ່ພຸທຯດະສາສນາ ແບ່ງອອກເປັນ ໙ ສາຍໃນຕອນນັ້ນ. ສາຍທີ່ເຜີຍແຜ່ມາຍັງດິນແດນສຸວັຯຍຯຍະຯຕູມິ ເປັນສາຍທີ ໙ ນຳໂດຍ ພຣະອໍຣະຫັນຕ໌ ໒ ອົງຄ໌ ນາມວ່າຯ ພຣະໂສນະ ແລະພຣະອຸຕຕະຣະ. ໃນໄລຍະຜ່ານມາ ນັກປຣາຊຯຂ໌ທາງພຸທຯດະສາສນາ ຕ່າງກໍມີຄວາມຂັດແຍ່ງກັນວ່າ ສຸວັຯຯຍຯຍະຯຕູມິແທ້ໆ ຢູ່ໃສ, ບາງຄົນກໍບອກວ່າ ຢູ່ປະເທດພຣະມ້າ, ບາງຄົນກໍບອກວ່າ ຢູ່ນະຄອນປະຖົມ, ບາງຄົນກໍບອກວ່າ ຢູ່ສະຫວັນນະເຂດ ຫລື ສຸວັຯຍຯຍະເຂຕ, ບາງຄົນກໍບອກວ່າ ຢູ່ເຂດອິນໂດເນເຊຍ.

ໃນໄລຍະຜ່ານມາ ບໍ່ວ່ານັກປະຫວັດສາດທາງພຸທຯດະຈະພະຍາຍາມຊີ້ແຈງຫລັກຖານທາງປະຫວັດສາດຫຼາຍພຽງໃດກໍຕາມ ຈະດ້ວຍວິທີນຳສະເໜີເປັນເອກະສານການຄົ້ນຄ້ວາ ຫຼືອີງພຣະໄຕຣປິດົກ ໃຜກໍມີເຫດຜົນພໍສົມຄວນ ແຕ່ກໍຍັງເປັນຂໍ້ມູນທີ່ຝາກໄວ້ເຊິ່ງຄວາມສົງໄສ ແລະຂໍ້ຂັດແຍ່ງທາງວິຊາການ ທີ່ບໍ່ລົງຕົວ. ແນ່ນອນແລ້ວວ່າ, ຫຼັກຖານທາງປະຫວັດສາດບາງປະການ ຍ່ອມຈະຖືກລົບເລືອນໄປ ຖ້າເມື່ອໃດຂໍ້ພິສູດແລະຫຼັກຖານສິ້ນໃໝ່ໄດ້ຖືກຄົ້ນພົບ ເພື່ອມາຫັກລ້າງຫຼັກຖານເດີມ ແລະຫຼັກຖານທີ່ຄົ້ນພົບໃໝ່ນັ້ນ ກໍຍັງຈະລໍການພິສູດໄປອີກນານ ເພື່ອວ່າຈະມີຫຼັກຖານໃໝ່ ທີ່ແທ້ຈິງອາດຄົ້ນພົບອີກ.

This site uses Akismet to reduce spam. Learn how your comment data is processed.