ກອງປະຊຸມ ສະຫຼຸບວຽກງານ ອພສ ທົ່ວແຂວງສາລະວັນ ຄັ້ງທີ 3 ສະໄໝທີ 7

ຕອນເຊົ້າຂອງວັນທີ 27/12/2018, ອົງການພຸດທະສາສະໜາສຳພັນລາວແຂວງສາລະວັນ ໄດ້ໄຂກອງປະຊຸມ ສະຫຼຸບວຽກງານ ອພສ ທົ່ວແຂວງສາລະວັນ ຄັ້ງທີ 3 ສະໃໝທີ 7 ສົກປີ 2017-2018. ໂດຍການໃຫ້ກຽດເປັນປະທານຂອງທ່ານ ສົມເລັດ ຈຸລະມະນີ ກຳມະການພັກແຂວງ, ປະທານສະພາເຂດເລືອກຕັ້ງທີ 14, ປະທານແນວລາວສ້າງຊາດແຂວງ ພາຍໃນມີພຣະອາຈາຣຍ໌ໃຫຍ່ ສອນໄຊ ແກ້ວເມືອງໃຕ້ ກຳມະການສູນກາງ ອພສ, ກຳມະການສູນກາງແນວລາວສ້າງຊາດ ປະທານ ອພສ ແຂວງສາລະວັນ ນອກຈາກນັ້ນຍັງມີພຣະເຖຣານຸເຖຣະ ທີ່ປຶກສາ ອພສ ແຂວງແລະເມືອງ, ຄະນະປະຈຳ ອພສ ແຂວງ, ກຳມະການ ອພສ ແຂວງແລະ ປະທານ ອພສ 5 ຕົວເມືອງ ເຈົ້າອະທິການສົມພານວັດ ພອ້ມດ້ວຍອົງການຈັດຕັ້ງພາກລັດທີ່ກ່ຽວຂ້ອງເຂົ້າຮ່ວມຢ່າງພ້ອມພຽມ.

ກອງປະຊຸມໄດ້ໄຂຂຶ້ນໃນທ່າມກາງບັນຍາກາດອັນສະຫງ່າລາສີ ມີການໄຫວ້ພຣະຣັດຕະນະໄຕຼເປັນເບື້ອງຕົ້ນ, ຜ່ານຂໍ້ຕົກລົງອະນຸມັດເປີດກອງປະຊຸມຂອງທ່ານເຈົ້າແຂວງ ແລະ ຜ່ານບົດສະຫຼຸບວຽກງານການຈັດຕັ້ງບໍລິຫານວຽກງານແຕ່ລະກຳມາທິການ ໂດຍເລັງໃສ່ວຽກງານທີ່ພົ້ນເດັ່ນ ແລະ ທົບທວນວຽກງານທີ່ຍັງຊັກຊ້າ ແລະ ຂາດຕົກບົກບ່ອງ ເພື່ອສະຫຼຸບຄືນ ແລະ ຕີລາຄາຫນ້າວຽກໂດຍການປະກອບສ່ວນຂໍ້ຄິດຄຳເຫັນ ແລະ ແນວທາງປັບປຸງແກ້ໄຂຕາມຄວາມເຫມາະສົມແລະສອດຄ່ອງກັບສະພາບປັດຈຸບັນໃຫ້ຫລາຍທີ່ສຸດ ບົນພື້ນຖານຄວາມຖືກຕ້ອງ ເປັນທັມ ຂອງຄະນະຜູ້ແທນ ແລະ ແຂກຖືກເຊີນຢ່າງສ້າງສັນ ແລະ ຟົດຟື້ນ. – ກອງປະຊຸມສາມັນຄົບຄະນະ ອພສ ຄັ້ງທີ3 ຂອງອົງການພຸດທະສາສະໜາສຳພັນລາວແຂວງສາລະວັນໄດ້ດຳເນີນມາຮອດຕອນທ້າຍ ປະທານກອງປະຊຸມໄດ້ຂຶ້ນປິດກອງປະຊຸມ ແລະ ແຜ່ສັດທາມາຍັງການນຳພັກລັດ ຂັ້ນແຂວງ, ເມືອງ, ບ້ານ ແລະ ອອກຕົນຍາດໂຍມບັນດາເຜົ່າຊາວແຂວງສະລະວັນ ຈົ່ງໄດ້ເສີມຂະຫຍາຍທາດແທ້ ມູນເຊື້ອຄວາມສະໝານສະມັກຄີເປັນປຶກ ແຜ່ນແຫນ້ນຫນາ ເຊີດຊູປົກປັກຮັກສາອົງການພຸດທະສາສະໜາໃຫ້ຍືນຍົງຖາວອນຄູ່ຄົນລາວ ແລະ ຊາດລາວສືບໄປ.

48426797_1632777040202266_1239521922333540352_n

49323186_1632776936868943_2864915732448149504_n

ຂ່າວໂດຍ: ພູມິນ ໄຊຍະຈັກ

This site uses Akismet to reduce spam. Learn how your comment data is processed.