ພິທີມອບ-ຮັບແລະເປີດນຳໃຊ້ອາຄານ ຕຶກປິ່ນປົວພຣະສົງ ໂຮງໝໍແຂວງຄຳມ່ວນ

 

ມື້ນີ້ ເຊິ່ງເປັນວັນທີ 28 ທັນວາ 2018 ທີ່ແຂວງຄຳມ່ວນ, ຄະນະ ອພສແຂວງຄຳມ່ວນ ພ້ອມດ້ວຍອົງການຈັດຕັ້ງແຂວງທຸກພາກສ່ວນ ຮ່ວມກັບຄະນະຜູ້ອຸປະຖຳ ແລະຫ້າງຮ້ານບໍລິສັດ ພຸດທະສາສະນິກະຊົນ ໄດ້ທຳພິທີມອບ-ຮັບອາຄານປິ່ນປົວພຣະສົງ(ຕຶກສົງ) ພາຍໃຕ້ການເປັນປະທານຂອງ ທ່ານ ໂອໄດ ສຸດາພອນ ເຈົ້າແຂວງຄຳມ່ວນ, ໂດຍມີຄະນະສົງຈາກວັດພຣະແກ້ວ ຮ່ວມກັບສະຖານທູດລາວປະຈຳອົດສະຕາລີ, ສູນກາງ ອພສ ກຳມາທິການສາທາລະນູປະການ, ໜ່ວຍງານສາສະນະພິທີ ແລະຄະນະສົງຈາກຈັງຫວັດນະຄອນພະນົມ, ສະກົນນະຄອນ, ຄະນະສົງວັດນາໄຊ ພ້ອມດ້ວຍພຣະສົງສາມະເນນທົ່ວແຂວງຄຳມ່ວນ ເປັນຜູ້ອຸປະຖຳແລະໄດ້ເຂົ້າຮ່ວມໃນພິທີດັ່ງກ່າວ.

ອາຄານຕຶກປິ່ນປົວພຣະສົງ(ຕຶກສົງ)ດັ່ງກ່າວນີ້ ໄດ້ເລີ່ມກໍ່ສ້າງມາແຕ່ປີ 2010 ໂດຍສິ້ນມູນຄ່າການກໍ່ສ້າງທັງໝົດ ຈຳນວນ 4 ຕື້ ກັບ 2 ລ້ານກວ່າກີບ. ຂະໜາດບັນຈຸລວມມີ 25 ຫ້ອງຜູ້ປ່ວຍ ທຸກຫ້ອງເປັນລະດັບວິໄອພີຄົບວົງຈອນ, ປະກອບມີ 2 ຫ້ອງພະນັກງານແພດແລະຫ້ອງຈ່າຍຢາ ເຊິ່ງເປັນອາຄານ 2 ຊັ້ນ.

ພາບ ແລະຂ່າວໂດຍ:
ພຣະອາຈານ ພຸດທະສອນ(ເບ) ອ່ອນວົງສາ

 

This site uses Akismet to reduce spam. Learn how your comment data is processed.