ຍາທ່ານໃຫຍ່ສຸຣະເຜີຍ ຜູ້ປຽບເໝືອນຕົ້ນບຸນແຫ່ງສິດສານຸສິດໄດ້ລະສັງຂາຣ

ຍ່າທ່ານໃຫຍ່ ສຸຣະເຜີຍ ກິຕຕິສາໂຣ, ອະດີດທີ່ປຶກສາສູນກາງ ອົງການພຸດທະສາສະໜາສຳພັນລາວ, ອະດີດເຈົ້າອາວາດວັດຈອມເພັດ, ເມືອງສີສັດຕະນາກ, ນະຄອນຫຼວງວຽງຈັນ, ເປັນພຣະມະຫາເຖຣະສຳຄັນອົງໜຶ່ງຂອງຄະນະສົງລາວ, ເພິ່ນເປັນຜູ້ທີ່ມີຄວາມເມດຕາສູງ, ເປັນທີ່ຮັກ, ທີ່ເພິ່ງແລະເຄົາຣົບສັດທາຂອງບັນດາສິດສານຸສິດ, ປຽບສະເໝືອນພຣະມະຫາເຖຣະຜູ້ເປັນຕົ້ນບຸນ ທີ່ຄອຍອະນຸເຄາະຊ່ວຍເຫຼືອບັນພຸດທະສາສະນິກະຊົນແລະລູກສິດທັງຫລາຍຢູ່ສະເໝີ, ເພິ່ນນັກເທສະໜາສັ່ງສອນແລະສ້າງສາພັດທະນາວັດວາສາສະໜາ ແລະປະເທດຊາດບ້ານເມືອງທີ່ສຳຄັນອົງໜຶ່ງ. ການຈາກໄປຂອງຍາທ່ານໃຫຍ່ ຖືໄດ້ວ່າ ເປັນການສູນເສຍພຣະມະຫາເຖຣະອົງສຳຄັນຂອງວົງການຄະນະສົງລາວ ແລະຈະຖືກຈົດຈຳຈາລຶກເຖິງຄຸນຄວາມດີໃນບັນດາສິດສານຸສິດໄປຕະຫລອດກາລະນານ.

ຍາທ່ານໃຫຍ່ ສຸຣະເຜີຍ ກິດຕິສາໂຣ, ເກີດເມື່ອວັນທີ ໕ ພຶກສະພາ ໑໙໓໘, ມໍຣະນະພາບເມື່ອວັນທີ ໖ ມັງກອນ ໒໐໑໙, ລວມອາຍຸໄດ້ ໘໑ ປີ ໖໑ ພັນສາ, ຂະນະນີ້ ສະຣີຣະສັງຂາຣຂອງເພິ່ນໄດ້ບຳເພັນໄວ້ທີ່ວັດຈອມເພັດ, ເມືອງສີສັດຕະນາກ, ນະຄອນຫຼວງວຽງ. ວັນຊາປະນະກິດຂອງເພິ່ນຈະໄດ້ຈັດຂຶ້ນໃນວັນທີ ໐໙​ ກຸມພາ ໒໐໑໙.

49575797_540056019826165_3057464175799304192_n

 

 

This site uses Akismet to reduce spam. Learn how your comment data is processed.