ມຈຣ ຂອນແກ່ນປະຖົມນິເທດນັກສຶກສາທີ່ຈະໄປຮ່ວມປະຕິບັດທັມພູເຂົາຄວາຍ

ມື້ວານນີ້ ພຣະອາຈານ ດຣ ມະຫາດາວສະຫຍາມ ວະຊິຣະປັນໂຍ ໄດ້ປະຖົມນິເທດແລະນຳນັກສຶກສາທີ່ຈະໄປຮ່ວມປະຕິບັດທັມ ເພື່ອເຊື່ອມສຳພັນອັນດີ 2 ຝັ່ງຂອງ ເຊິ່ງຈະໄດ້ຈັດຂຶ້ນທີ່ວັດປ່າພຣະບາດນາຍາງ, ເມືອງທຸລະຄົມ, ແຂວງວຽງຈັນ ໂດຍໂຄງການດັ່ງການແມ່ນຈັດຂຶ້ນທຸກປີ ເພື່ອລະນຶກເຖິງບູຣະພາຈາຣຍ໌ ພຣະອາຈາຣຍ໌ໃຫຍ່ ຄຳຕັນ ວໍຣະຣາຊ. ໂດຍຖືເອົາໂອກາດໃນການຈັດງານດັ່ງກ່າວ ທາງວິທະຍາໄລສົງຈິ່ງໄດ້ນຳເອົານັກສຶກສາປີສຸດທ້າຍໄປຝຶກກັມມະຖານເປັນເວລາ 10 ວັນ ເຊິ່ງປີນີ້ເປັນປີພິເສດທີ່ທາງ ມະຫາວິທະຍາໄລມະຫາຈຸລາລົງກອນຣາຊະວິທະຍາໄລ(ມຈຣ) ກໍໄດ້ສົ່ງນັກສຶກສາມາຮ່ວມປະຕິບັດທັມນຳ. ສະນັ້ນ, ກ່ອນອອກເດີນທາງມາລາວ ທາງຄະນາຈາຣຍ໌ ມຈຣ ຈິ່ງໄດ້ໃຫ້ໂອວາດແກ່ນັກສຶກສາ ເພື່ອໃຫ້ຕັ້ງໃຈປະຕິບັດຢ່າງປະສົບຜົນສຳເລັດແລະເຮັດຕາມລະບຽບຂອງສະຖານທີ່ທີ່ໄດ້ວາງອອກ.

ການປະຕິບັດທັມຮ່ວມກັນຄັ້ງນີ້ ສືບເນື່ອງມາຈາກເມື່ອປີກາຍ ທາງ ວິທະຍາໄລສົງອົງຕື້ ກໍໄດ້ນິມົນພຣະອາຈາຣຍ໌ດຣ ມະຫາດາວສະຫຍາມ ວະຊິຣະປັນໂຍ ໄດ້ມາເທດໃນງານປະຕິບັດທັມທີ່ວັດປ່າພຣະບາດນາຍາງ ພູເຂົາຄວາຍ. ສະນັ້ນ, ໃນປີນີ້ ເພື່ອສືບເນື່ອງການຮ່ວມມືແລະສາຍພົວພັນມິດຕະພາບອັນດີ ທັງສອງສະຖາບັນການສຶກສາ ຈິ່ງໄດ້ຈັດໂຄງການຝຶກອົບຮົມວິປັດສະນາຮ່ວມກັນເປັນຄັ້ງປະຫວັດສາດ.

This site uses Akismet to reduce spam. Learn how your comment data is processed.