ຄວາມໝາຍແລະພາວະເພດ “ພຣະພິກຂຸ”

ຯຕິກຯຮຂຸສທຯຮທວິນິຈຯຮຯມຍ

ຯຕິກຂຸສັທທະວິນິດໄສ

 

ພິກຂຸຯ” ຄຳນີ້ເປັນນາມນາມ ອຸກາຣັນຕ໌ໃນປຸງລິງຄ໌ທີ່ມີຄວາມໝາຍຫຼາຍຢ່າງເຊັ່ນ ຜູ້ມີຄວາມພຽນ, ຜູ້ເຜົາບາບ (a mendicant, an ascetic.), ຜູ້ຂໍ, ຜູ້ເຫັນຯຕັຍໃນວັຯຄຯຄະ (ວັດຕະ) ແລະຜູ້ບໍລິໂພກອະມະຕະຣົສເປັນຕົ້ນ ເປັນນາມມະສັບທີ່ປາກົດຢູ່ເດຍລະດາດທົ່ວໄປຕາມວັນນະກຳບາລີທັງຊັ້ນຕົ້ນແລະຊັ້ນຫຼັງ ເຊັ່ນພຣະໄຕຣປິດົກ, ອັດຖະກະຖາ ແລະສັທທາວິເສດເປັນຕົ້ນ ໂດຍສະເພາະຜູ້ທີ່ເຄີຍອ່ານພຣະໄຕຣປິດົກຈະຄຸ້ນກັບຄຳນີ້ເປັນຢ່າງຍິ່ງ ເພາະເປັນພຸທຯດະດໍຳຣັສທີ່ພຣະຜູ້ມີພຣະພາກຊົງໃຊ້ຕຣັສຮຽກສະຕິພິກຂຸ(ວິພັຕຕິອາຣະປະນະ ພະຫຸພົຈນ໌) ວ່າ “ຯຕິກຯຮຂເວ (ພິກ-ຂະ-ເວ) ດູກ່ອນພິກຂຸທັງຫຼາຍ” ເປັນຕົ້ນ ແລະພິກຂຸສັບນີ້ມີເລື່ອງເລົ່າຫຼາຍຢ່າງຕາມຫຼັກພາສາສາດເຊິ່ງຜູ້ຮຽບຮຽງຈະພາທ່ານຜູ້ອ່ານມາທຳຄວາມຮູ້ຈັກກັບນາມມະສັບໃກ້ຕົວຕາມລຳດັບດັ່ງຕໍ່ໄປນີ້

7ce2d1a027445773c23ba4e5f30f7c23.png

I ພິກຂຸສັບຕາມຫຼັກພາສາສາດ

ພິກຂຸສັບຈາກຄຳພີອະພິທານັປປະທີປິກາ ຫຼືວັດຈະນານຸກົມທີ່ສະແດງນາມມະສັບຫຼືຊື່ສິ່ງຂອງຕ່າງໆ ທີ່ຣິດຈະນາໂດຍພຣະໂມກຄັນລານະມະຫາເຖຣະ ປະມານສະຕະຫວັດທີ 17 ທີ່ເກາະສິງຫົນ ໄດ້ແກ່ປະເທດສີລັງກາໃນປັດຈຸບັນ ໄດ້ຮວບລວມນາມມະສັບຄຳວ່າ ພິກຂຸ ໄວ້ໃນຄາຖາທີ 409, 415, 433, 438 ເຊິ່ງບູຮານບັນດິດໄດ້ນຳມານິຍາມຄວາມໝາຍແລະວິເຄາະສັບໄວ້ດັ່ງນີ້

  1. ຜູ້ຂໍ (ດ້ວຍກາຍວິນຍັດ) ມີວິເຄາະສັບວ່າ “ຯຕິກຯຮຂຕີຕິ ຯຕິກຯຮຂຸ” ແລະທີ່ຊື່ວ່າພິກຂຸ ເພາະເປັນຜູ້ຂໍນີ້ມີອະທິບາຍໃນສະມັນຕະປາສາທິກາ ອັດຖະກະຖາພຣະວິນັຍປິດົກ ປາຣາຊິກກັນ ພິກຂຸປະທະພາຊະນີຍະວັນນະນາ ໜ້າ 350 ມຈຣ. ວ່າ “ຈະໄດ້ຫຼືບໍ່ໄດ້ກໍຂໍດ້ວຍອາການຂອງພຣະອະຣິຍະ” ສະນັ້ນ ຈຶ່ງຊື່ວ່າພິກຂຸຫຼືຜູ້ຂໍ ເຊິ່ງການຂໍດ້ວຍອາການຂອງພຣະອະຣິຍະໃນທີ່ນີ້ຄືບໍ່ອອກປາກຂໍເໝືອນຄົນກຳພ້າ ຄົນເດີນທາງໄກ ວະນິພົກຫຼືຍາຈົກ (ຈາກສາຣັຕຖະ.ດີກາ (ບາລີ) 2/45/62)
  2. ຜູ້ເຫັນໄພໃນສັງສາຣະວັຕ ມີວິເຄາະສັບວ່າ “ສໍສາເຣ ຯຕຍໍ ອິກຯຮຂຕີຕິ ຯຕິກຯຮຂຸ
  3. ຜູ້ທໍາລາຍບາບອະກຸສົນກັມ ມີວິເຄາະສັບວ່າ “ຯຕິນຯຮທຕິ ປາປເກ ອກຸສເລ ຯດມຯຮເມຕິ ຯຕິກຯຮຂຸ
  4. ຜູ້ຄອງຜ້າທີ່ຖືກທໍາລາຍແລ້ວ ມີວິເຄາະວ່າ “ຯຕິນຯຮນປຯຄຯດໂຣຕິ ຯຕິກຯຮຂຸ” ເຊິ່ງໃນຄໍາພີສະມັນຕະປາສາທິກາຂະຫຍາຍຄວາມໄວ້ໃນພິກຂຸປະທະພາຊະນີຍະວັນນະນາວ່າ “ທີ່ຊື່ວ່າພິກຂຸຜູ້ໃຊ້ຜື່ນຜ້າທີ່ຖືກທໍາລາຍນັ້ນຄືທຳລາຍດ້ວຍອາການ 3 ຢ່າງໄດ້ແກ່ (1) ທຳລາຍດ້ວຍລາຄາ ເພາະການໃຊ້ສາດຕຣາດຕັດ ໃຫ້ເປັນທ່ອນນ້ອຍທ່ອນໃຫຍ່ ຈາກແຜ່ນຜ້າທີ່ມີລາຄາ 1,000 ເມື່ອຖືກຕັດແລ້ວລາຄາຍ່ອມຕົກເຮັດໃຫ້ບໍ່ໄດ້ລາຄາເຄິ່ງໜຶ່ງຈາກລາຄາເດີມ ນີ້ຊື່ວ່າທຳລາຍດ້ວຍລາຄາ (2) ທໍາລາຍດ້ວຍສໍາຜັດ ເພາະການໃຊ້ເສັ້ນດ້າຍຫຍິບ ແຜ່ນຜ້າທີ່ມີສໍາຜັດນຸ້ມນວນເປັນສຸກ ເມື່ອໃຊ້ເສັ້ນດ້າຍຫຍິບເນື້ອຜ້າຍ່ອມມີສຳຜັດກະດ້າງ ນີ້ຊື່ວ່າ ທຳລາຍດ້ວຍສຳຜັດ ແລະ (3) ພຶ່ງຊາບການທໍາລາຍດ້ວຍສີເພາະມີຂີ້ໝ້ຽງເຂັ້ມ ແລະດ້ວຍການຍ້ອມດ້ວຍນໍ້າຝາດເປັນຕົ້ນ ເພື່ອໃຫ້ລະສີຕາມປົກກະຕິ ຕະຫຼອດຈົນການທຳຕຳໜິຜ້າດ້ວຍການວິກັບ ນີ້ຊື່ວ່າ ການ ທຳລາຍດ້ວຍສີ ແລະຜູ້ໃຊ້ຜ້າດ້ວຍການທຳລາຍ 3 ຢ່າງນີ້ລວມຮຽກວ່າພິກຂຸ ຫຼືຜູ້ຄອງຜ້າທີ່ຖືກທໍາລາຍແລ້ວ
  5. ຜູ້ບໍລິໂພກອະມະຕະຣົສ (ຄືນິພພານ) ມີວິເຄາະວ່າ “ອມຕຣສໍ ຯຕກຯຮຂຕິ ຯຕຸຯຂຯຮຊຕີຕິ ຯຕິກຯຮຂຸ

ນອກຈາກຄຳພີອະພິທານັປປະທີປິກາແລ້ວ ຄຳວ່າພິກຂຸ ຕາມຫຼັກພາສາສາດໃນວັດຈະນານຸກົມ ສັບສາສະໜາສາກົນ ອັງກິດ-ໄທ ສະບັບຣາຊະບັນດິຕະຍະສະຖານ ພິມຄັ້ງທີ 3 ພ.ສ.2552 ໜ້າ 96 ໄດ້ຮິບໂຮມສັບທະສາດຄຳວ່າພິກຂຸໄວ້ໃຫ້ງ່າຍຕໍ່ການສຶກສາຄົ້ນຄວ້າຂອງຜູ້ສົນໃຈ ເຊິ່ງໃນທີ່ນີ້ຜູ້ຮຽບຮຽງຈະນໍາສະເໜີແຕ່ບາງປະເດັ່ນດັ່ງນີ້:

“Bhiksu ແປວ່າ ຯຕິກຯນຸ ເປັນຄຳທີ່ຮຽກນັກບວດຜູ້ຊາຍໃນສັງຄົມອິນເດຍບູຮານ ພຣະພຸດທະເຈົ້າຊົງນໍາມາໃຊ້ຮຽກສາວົກຂອງພຣະອົງຄ໌ຄັ້ງທຳອິດຕອນສະເດັດໄປໂຜດປັນຈະວັກຄີ ແລະຄໍາວ່າພິກຂຸນີ້ເປັນຄໍາສັບມາຈາກພາສາສັນສະກິດ ກົງກັບພາສາບາລີວ່າ ພິກຂຸ ເຊິ່ງມີຄວາມໝາຍຫຼາຍຢ່າງ ແລະນອກຈາກພຣະພຸທຯດະເຈົ້າຈະຊົງຮຽກສາວົກຂອງພຣະອົງຄ໌ວ່າ ພິກຂຸ ແລ້ວ ຍັງຊົງໃຊ້ຄຳອື່ນອີກເພື່ອຂະນານນາມສາວົກຂອງພຣະອົງຄ໌ ເຊັ່ນ ບັນພະຊິດ, ສະມະນະ, ພຣາມ, ລືສີ, ມຸນີ ເປັນຕົ້ນ”

buddhist-monk-png-3.png

II ພິກຂຸສັບຈາກພຣະໄຕຣປິດົກ

ສະຫລຸບແລ້ວພິກຂຸສັບຕາມຫຼັກພາສາສາດມີຄວາມໝາຍຫຼາຍຢ່າງ ແລະຄວາມໝາຍແຕ່ລະຢ່າງນັ້ນລ້ວນແລ້ວແຕ່ບົງບອກເຖິງການດຳເນີນຊີວິດ ໜ້າທີ່ ການເປັນຢູ່ຕາມລັກສະນະແຫ່ງຄຸນສົມບັດຂອງບຸຣຸດຜູ້ຖືບັນພະຊິດເພດໃນພຸດທະສາສະໜາ ດັ່ງເຊັ່ນໃນພຣະວິນັຍປິດົກ ມະຫາວິພັງ ພາກ 1 ໂດຍມະຫາວິທະຍາໄລ ມະຫາຈຸຣາລົງກອນ ຣາຊະວິທະຍາໄລ ໜ້າ 33 ຂໍ້ 45 ສະຫລຸບພິກຂຸສັບໄວ້ຕັ້ງແຕ່ລະດັບພິກຂຸປຸຖຸຊົນຈົນເຖິງອະຣິຍະພິກຂຸດັ່ງນີ້ “ຊື່ວ່າພິກຂຸ (ເພາະເປັນຜູ້ຂໍ, ເພາະອາໄສການທ່ຽວຂໍ, ເພາະໃຊ້ຜື່ນຜ້າທີ່ເຮັດໃຫ້ເສຍລາຄາ, ເພາະຮຽກກັນໂດຍໂວຫານ, ເພາະການປະຕິຍານຕົນ, ເພາະພຣະພຸດທະເຈົ້າຊົງບວດໃຫ້, ເພາະເປັນຜູ້ບວດດ້ວຍໄຕຣສະຣະນະຄົມ, ເພາະເປັນຜູ້ຈະເລີນ, ເພາະເປັນຜູ້ມີສາຣະ, ເພາະເປັນຜູ້ຍັງຕ້ອງສຶກສາ, ເພາະເປັນຜູ້ບໍ່ຕ້ອງສຶກສາ) ແລະ ຊື່ວ່າພິກຂຸ ເພາະເປັນຜູ້ທີ່ສົງພ້ອມພຽງກັນອຸປະສົມບົດໃຫ້ດ້ວຍຍັດຕິຈະຕຸດຖະກັມທີ່ຖືກຕ້ອງ ສົມຄວນແກ່ເຫດ” (ສາມາດເບິ່ງອັດຖາທິບາຍຂະຫຍາຍຄວາມໂດຍລະອຽດໃນສະມັນຕະປາສາທິກາ ປະຖະມະປາຣາຊິກ ພິກຂຸປະທະພາຊະນີຍະວັນນະນາ ມຈຣ.ແປ ໜ້າ 353)

III ຈະໄດ້ຄວາມເປັນພິກຂຸດ້ວຍວິທີໃດ?

ບຸກຄົນທີ່ຈະເປັນພິກຂຸພາວະໃນພຣະພຸດທະສາສະໜາໄດ້ນັ້ນຕ້ອງຜ່ານການອຸປະສົມບົດດ້ວຍວິທີ 8 ຢ່າງນີ້ເທົ່ານັ້ນ ເຊິ່ງໃນຍຸກຕົ້ນພຣະຊົນມ໌ຊີບຂອງພຣະຜູ້ມີພຣະພາກນັ້ນບໍ່ໄດ້ຈຳກັດເພດ ອາຍຸ ວັນນະ ການສຶກສາຂອງຜູ້ທີ່ຈະເຂົ້າມາເປັນພິກຂຸ ຂໍພຽງບຸກຄົນນັ້ນມີວຸດທິພາວະຄຸນນະທໍາຂັ້ນສູງພໍທີ່ຈະຮອງຮັບພຣະສັທຯດັມມ໌ໄດ້ ພຣະບໍຣົມມະໄຕຣໂລກະນາຖກໍ່ຊົງປະທານການອຸປະສົມບົດໃຫ້ເປັນພິກຂຸ ດັ່ງເຊັ່ນພຣະມະຫາເຖຣະ ຕອນອາຍຸໄດ້ 7 ປີ ມີນາມວ່າທັບພະມັນລະບຸດພຣະພຸທຯດະອົງຄ໌ກໍຊົງປະທານການອຸປະສົມບົດໃຫ້ພ້ອມກັບຕຳແໜ່ງເອຕະທັກຄະດ້ານຈັດແຈງເສນາສະນະ ແລະຕໍ່ມາອຸປະສົມບົດແບບຕ່າງໆ ກໍທະຍອຍກັນອອກມາຕາມພຸດທານຸຍາດໂດຍລໍາດັບດັ່ງປາກົດໃນສະມັນຕະປາສາທິກາ ແລະອັດຖະກະຖາພຣະສຸຕຕັນຕະປິດົກ ອັງຄຸຕຕະຣະນິກາຍ ທຸກະນິບາຕ ມຈຣ.ແປ ໜ້າ 95 ເປັນຕົ້ນແລະທີ່ອື່ນໆ ດັ່ງນີ້

IV ອຸປະສົມບົດ 8 ຢ່າງໄດ້ແກ່

  1. ເອຫິຯຕິກຂຸອຸປະສັມປະທາ ເປັນການປະທານອຸປະສົມບົທແກ່ພຸທຯດະສາວົກໃນຊ່ວງປະຖົມໂພຯດິກາລດ້ວຍພຸດທະດຳລັດພຽງວ່າ “ທ່ານຈົ່ງມາເປັນພິກຂຸເຖີດ” ເທົ່ານີ້ ພຸດທະສາວົກທັງໝົດເຫຼົ່ານັ້ນຈໍານວນ 27300 ອົງ ມີພຣະເຖຣະປັນຈະວັກຄີ 5 ອົງເປັນຜູ້ອຸປະສົມບົດດ້ວຍວິທີນີ້ເປັນຄັ້ງທຳອິດ ມີພຣະຍະສະກຸນລະບຸດພ້ອມດ້ວຍສະຫາຍ 54 ອົງ ພຣະພັດທະວັກຄີ 30 ອົງ ພຣະປຸຣານະຊະດິນ 1000 ອົງ ພຣະປະຣິພາຊົກ 250 ອົງ ພຣະອັກຄະຣະສາວົກ 2 ອົງ ພຣະອົງຄຸລິມານ 1 ອົງ ເປັນຕົ້ນ ຜູ້ເຖິງພ້ອມດ້ວຍບາຣະມີຍານເຫຼົ່ານັ້ນກໍສຳເລັດເປັນພິກຂຸພາວະທັນທີ່ພ້ອມອັດຖະບໍລິຂານອັນເກີດດ້ວຍອຳນາດແຫ່ງລິດ ແມ້ອິຣິຍາບົດຂອງທ່ານເຫຼົ່ານັ້ນເມື່ອຄັ້ງບວດເຂົ້າມາໃໝ່ໆ ກໍຮຽບຮ້ອຍເໝືອນພຣະມະຫາເຖຣະ 60 ພັນສາເລີຍທີ່ດຽວ (ເບິ່ງລາຍລະອຽດໃນ ສະມັນຕະປາສາທິກາ ປາຣາຊິກກັນ ພິກຂຸປະທະພາຊະນີຍະວັນນະນາ ມຈຣ.ແປ ໜ້າ 353)
  2. ສະຣະນະຄະມະນູປະສັມປະທາ ເປັນການອຸປະສົມບົດດ້ວຍໄຕຣສະຣະນະຄົມ ກ່າວຄືຜູ້ອຸປະສົມບົດຕ້ອງເປັ່ງວາຈາຮັບເອົາພຣະຣັຕະນະໄຕຣວ່າເປັນທີ່ເພິ່ງທີ່ລະນຶກເຖິງ 3 ຄັ້ງ ໂດຍທໍານອງວ່າ “ພຸທຯຮຯດໍ ສຣຯຯຯຍໍ ຄຈຯຮຯມາມີ” ຜູ້ບວດດ້ວຍວິທີນີ້ເປັນຄົນທໍາອິດ ໄດ້ແກ່ ພຣະປຸນນະມັນຕານີບຸດ ເຊິ່ງຕໍ່ມາພາຍຫຼັງການບວດດ້ວຍການເຂົ້າເຖິງໄຕຣສະຣະນະຄົມນີ້ມີພຸດທານຸຍາດປະທານໃຫ້ເປັນວິທີການບວດຂອງສາມະເນນ ເຖິງອຸບາສົກອຸບາສິກາໃນປັດຈຸບັນກໍ່ກຳໜົດເອົາວິທີນີ້ເພື່ອປະກາດຕົນເປັນພຸດທະມາມະກະ ຖືເອົາພຣະຣັດຕະນະໄຕຣວ່າເປັນທີ່ເພິ່ງທີ່ລະນຶກເຖິງດ້ວຍວິທີການຢ່າງໃດຢ່າງໜຶ່ງໃນບັນດາວິທີເຂົ້າເຖິງສະຣະນະ 4 ຢ່າງເຫຼົ່ານີ້ຄື (1) ດ້ວຍການມອບຕົນ (2) ດ້ວຍການມີພຣະຣັດຕະນະໄຕຣນັ້ນເປັນທີ່ເພິ່ງ (3) ດ້ວຍການຍ່ອມເປັນສິດ ແລະ(4) ດ້ວຍການຂາບໄຫວ້ (ເບິ່ງລາຍລະອຽດໃນ ກະຖາວ່າດ້ວຍການເຖິງສະຣະນະຄົມ ຈາກ ອັດຖະກະຖາພຣະສຸຕຕັນຕະປິດົກ ອັງຄຸຕຕຣະນິກາຍ ທຸກະນິບາຕ ມຈຣ.ແປ ໜ້າ 27-28 ແລະໂດຍພິສະດານໃນ ສະຣະນັຕຕະຍະວັນນະນາ ຈາກ ອັດຖະກະຖາ ພຣະສຸຕຕັນຕະປິດົກ ຂຸ.ຂຸ. ມຈຣ. ໜ້າ 9)
  3. ໂອວາທະປະຕິຄຄະຫະນູປະສັມປະທາ ເປັນການອຸປະສົມບົດທີ່ພຣະຜູ້ມີພຣະພາກຊົງອະນຸຍາດແກ່ພຣະມະຫາກັສສະປະເຖຣະຮັບໂອວາດທຳນອງວ່າ “ກັສສະປະ ! ເຈົ້າຈົ່ງສຶກສາຢ່າງນີ້ວ່າ ‘ເຮົາຈັກເຂົ້າໄປຕັ້ງຫິຣິແລະໂອບຕັປປະຢ່າງແຮງກ້າໃນພິກຂຸທັງຫຼາຍຜູ້ເປັນເຖຣະ ຜູ້ເປັນນະວະກະ ຜູ້ເປັນມັດຊິມະ’ ເປັນຕົ້ນ ດັ່ງນີ້”
  4. ປັຯຂຫາພະຍາກະຣະນູປະສັມປະທາ ເປັນການອຸປະສົມບົດທີ່ພຣະຜູ້ມີພຣະພາກຊົງປະທານແກ່ໂສປາກະສາມະເນນຜູ້ໄດ້ບັນລຸເປັນພຣະອະຣະຫັນຕັ້ງແຕ່ອາຍຸ 7 ປີ ເມື່ອພຣະບໍຣົມມະສາສະດາຈະຊົງປະທານອຸປະສົມບົດໃຫ້ຈຶ່ງຕັດຖາມປັນຫາ 10 ຂໍ້ ຕາມລຳດັບທຳນອງວ່າ “ແມ່ນຫຍັງຊື່ວ່າໜຶ່ງ” ຈົນເຖິງ “ແມ່ນຫຍັງຊື່ວ່າສິບ” ເມື່ອໂສປາກະສາມະເນນນັ້ນໄດ້ຕອບປັນຫາຄົບແລ້ວກໍສໍາເລັດການອຸປະສົມບົດດ້ວຍປັນຫາພະຍາກະຣະນູປະສັມປະທານັ້ນ (ດັ່ງປາກົດລາຍລະອຽດແລ້ວໃນ ສາມະເນນປັນຫາວັນນະນາ ອັຕ.ຂຸ.ຂຸ ໜ້າ 111)
  5. ຄະຣຸທັມມະປະຕິຄຄະຫະນູປະສັມປະທາ ໄດ້ແກ່ ອຸປະສົມບົດທີ່ພຣະຜູ້ມີພຣະພາກຊົງອະນຸຍາດແກ່ພຣະແມ່ນ້ານາງມະຫາປະຊາບໍດີໂຄຕະມີ ດ້ວຍການໃຫ້ຮັບຄຸຣຸທັມ 8 ປະການ
  6. ທູເຕນູປະສັມປະທາ ໄດ້ແກ່ ການອຸປະສົມບົດທີ່ພຣະພຸດທະອົງຊົງປະທານພຸດທານຸຍາດບວດຍິງຄະນິກາຊື່ອັດຖະກາສີ ເປັນການອຸປະສົມບົດດ້ວຍການສົ່ງທູດໄປຮັບການບວດ ເນື່ອງຈາກມີໄພທີ່ອາດຈະເກີດຂຶ້ນໃນລະຫວ່າງການເດີນທາງໄປຮັບການບວດ
  7. ອັຕຖະວາຈິກູປະສັມປະທາ ໄດ້ແກ່ ການອຸປະສົມບົດຂອງພິກຂຸນີດ້ວຍກັມແລະສົງ 2 ຝ່າຍຄື ຍັຕຕິຈະຕຸຕຖະກັມຈາກພິກຂຸນີສົງແລະຍັຕຕິຈະຕຸຕຖະກັມຈາກພິກຂຸສົງ
  8. ຍັຕຕິຈະຕຸຕຖະກັມມູປະສັມປະທາ ໄດ້ແກ່ ການອຸປະສົມບົດດ້ວຍຍັຕຕິຈະຕຸຕຖະກັມມະວາຈາ ເປັນການບວດຂອງພິກຂຸທັງຫຼາຍໃນສະໄໝພຸການເລີ່ມຈາກພຣະຣາທະເຖຣະຈົນເຖິງພິກຂຸທົ່ວໄປປັດຈຸບັນ

4623.jpg

 

VI ສະຫລຸບ

ສະຫລຸບແລ້ວພິກຂຸສັບນີ້ມີຄວາມໝາຍຫຼາຍຢ່າງເປັນນາມມະສັບທີ່ບົ່ງບອກເຖິງວິຖີຊີວິດທັມມະຈັນຍາຂອງບັນພະຊິດເພດທັງຫຼາຍຜູ້ເປັນພຸດທະສາວົກຂອງພຣະພຸທທະຣັດຕະນະຕັ້ງແຕ່ອະດີດຈົນເຖິງປັດຈຸບັນ ໂດຍລວມແລ້ວທີ່ຊື່ວ່າພິກຂຸ ເພາະເປັນຜູ້ຂໍ, ເພາະອາໄສການທ່ຽວຂໍ, ເພາະໃຊ້ຜືນຜ້າທີ່ເຮັດໃຫ້ເສຍລາຄາ, ເພາະຮຽກກັນໂດຍໂວຫານ, ເພາະການປະຕິຍານຕົນ, ເພາະພຣະພຸທຯດະເຈົ້າຊົງບວດໃຫ້, ເພາະເປັນຜູ້ບວດດ້ວຍໄຕຣສະຣະນະຄົມ, ເພາະເປັນຜູ້ຈະເລີນ, ເພາະເປັນຜູ້ມີສາຣະ, ເພາະເປັນຜູ້ຍັງຕ້ອງສຶກສາ, ເພາະເປັນຜູ້ບໍ່ຕ້ອງສຶກສາ) ແລະ ຊື່ວ່າພິກຂຸ ເພາະເປັນຜູ້ທີ່ສົງພ້ອມພຽງກັນອຸປະສົມບົດໃຫ້ດ້ວຍຍັດຕິຈະຕຸດຖະກັມທີ່ຖືກຕ້ອງ ສົມຄວນແກ່ເຫດ ທັງໝົດນີ້ແລຊື່ວ່າພິກຂຸ

 

ຯດມຯຮມາຣາໂມ ຯດມຯຮມຣໂຕ

ຯດມຯຮມໍ ອນຸວິຈິນຯຮຕຍໍ

ຯດມຯຮມໍ ອນຸສຯຮສຣໍ ຯຕິກຯຮຂຸ

ສທຯຮຯດມຯຮມາ ນ ປຣິຫາຍຕິ

ພິກຂຸຜູ້ຢູ່ໃນທັມ ຍິນດີໃນຯດັມມ໌

ພິນິດພິຈາລະນາຯດັມມ໌

ແລະລະນຶກເຖິງຯດັມມ໌ສະເໝີ

ຍ່ອມບໍ່ເສື່ອມຈາກພຣະສັທຯດັມມ໌

ຮຽບຮຽງໂດຍ: ພຣະປັນດິຕາຈາຣຍ໌ ແຮ່ສະຫວັນ ສີລາຈັນທຣ໌

ທີ່ບໍ່ແກ້ວ 13/7/2018

43626263_1888346864566780_4466045644515049472_n.jpg

P.M.Singha Khai Amphone

Venerable Phramahā Singha Khai Amphone, Pāli Grade IX, MA candidate at Mahidol University

P.M.Singha Khai Amphone has 8 posts and counting. See all posts by P.M.Singha Khai Amphone

This site uses Akismet to reduce spam. Learn how your comment data is processed.