ພິທີເປີດຫ້ອງຮຽນວິທະຍາໄລສົງອົງຕື້ ທີ່ອາຄານສຸທັມມະນິມິດ

ໃນວັນທີ 27 ກັນຍາ 2019, ທີ່ອາຄານສຸທັມມະນິມິດ ໃນວັດເທບນິມິດ(ວັດທາດຝຸ່ນ) ໄດ້ມີການເປີດການ ນຳໃຊ້ຫ້ອງຮຽນວິທະຍາໄລສົງອົງຕື້ ໂດຍການເຂົ້າຮ່ວມໃນພິທີມີ ພຣະອາຈານໃຫຍ່ ມະຫາພູສະຫວັນ ພັນທະບົວລີ, ຫົວໜ້າກຳມາທິການສຶກສາສົງສູນກາງ, ພຣະອາຈານໃຫຍ່ ປອ.ພວງປະເສີດ ພູມາວົງ, ຮອງຫົວໜ້າກຳມາທິການ ສຶກສາສົງສູນກາງພ້ອມທັງເປັນຜູ້ອຳນວຍການວິທະຍາໄລສົງອົງຕື້, ພຣະອາຈານໃຫຍ່ ບຸນສ່ວນ ພັນທະວົງ ແລະ ແຂກພາຍນອກມີ  ທ່ານຈັນດີ ພົມມະບຸດ, ອະດີດຫົວໜ້າກົມສ້າງຄູ, ທ່ານແກ້ວ ຈັນທະວີໄຊ, ອະດີດຫົວໜ້າຫ້ອງ ການສຶກສາສົງສູນກາງ, ທ່ານທິບພະມົນ ຮອງຫົວໜ້າຫ້ອງການກະຊວງສຶກສາທິການ ແລະ ກິລາ, ທ່ານຫົວ ໜ້າພະແນກສຶກສາທິການ ແລະກິລານະຄອນຫລວງ, ແນວລາວສ້າງຊາດນະຄອນຫລວງ ແລະ ພະແນກ ພາຍໃນນະຄອນຫລວງ ພ້ອມດ້ວຍເຈົ້າຄະນະ ອພສ ເມືອງຈາກ 4 ຕົວເມືອງ ກໍໄດ້ໃຫ້ກຽດເຂົ້າຮ່ວມເປັນສັກຂີພະ ຍານໃນການເປີດໃນຄັ້ງນີ້.

IMG_20190927_143547

ໃນເບື້ອງຕົ້ນ ຈຸດປະສົງໃນການສ້າງອາຄານສຸທັມມະນິມິດນີ້ ແມ່ນມີຈຸດປະສົງຈະສ້າງ ເພື່ອໃຫ້ເປັນ ວິທະຍາໄລສຸທັມມະນິມິຕ ເຊິ່ງຈະເປັນວິທະຍາໄລສົງອີກແຫ່ງໜຶ່ງ ສ້າງຂຶ້ນເພື່ອລະນຶກບູຊາຄຸນບູຣະພາຈານ ຄື ຍາທ່ານໃຫຍ່ ມະຫາປຣີຊາ ສຸທັມມະໂກສາຈານ ເຊິ່ງເປັນອະດີດເຈົ້າອາວາດວັດທາດຝຸ່ນ, ອະດີດທີ່ປຶກສາສູນກາງ ອພສ ຜູ້ທີ່ທາງເຈົ້າພາບມີນາມວ່າ ປາສະການ ໂກເຢ ເຄີຍໃຫ້ຄວາມເຄົາຣົບນັບຖືເປັນຢ່າງສູງ. ແຕ່ເນື່ອງຈາກວ່າ ຍັງບໍ່ທັນມີຄວາມພ້ອມທັງດ້ານຫລັກສູດແລະວິຊາການ ຈິ່ງບໍ່ສາມາດເປີດເປັນວິທະຍາໄລສຸທັມມະນິມິດໄດ້ເທື່ອ. ດ້ວຍເຫດນີ້, ກ່ອນທີ່ຈະພັດທະນາໃຫ້ອາຄານຮຽນແຫ່ງນີ້ກາຍເປັນວິທະຍາໄລ ແລະມາຫາວິທະຍາໄລ ໃນຂະນະ ທີ່ລໍຖ້າຄວາມພ້ອມ, ທາງຄະນະກຳມະການຮັບຜິດຊອບຝ່າຍອາຄານສຸທັມມະນິມິຕຈິ່ງໄດ້ຮ່ວມມືກັນກັບທາງວິທະ ຍາໄລສົງອົງຕື້ ພາຍໃຕ້ການຮ່ວມມືກັບອົງການຈັດຕັ້ງທີ່ກ່ຽວຂ້ອງ ເຫັນດີໃຫ້ເປີດອາຄານຮຽນດັ່ງກ່າວນີ້ ໃຫ້ເປັນ ສະຖານທີ່ການສຶກສາຂອງວິທະຍາໄລສົງອົງຕື້ ໂດຍເບື້ອງຕົ້ນໄດ້ຍ້າຍຫ້ອງຮຽນສະເພາະປີ 3 ທຸກສາຍ ມາຮຽນ ທີ່ອາຄານຮຽນສຸທັມມະນິມິດ ສ່ວນທີ່ເຫລືອແມ່ນດຳເນີນການສິດສອນຢູ່ວິທະຍາໄລສົງອົງຕື້ ວັດອົງຕື້ມະຫາວິຫານ ຄືເກົ່າ.

IMG_20190927_141653

ເຊີນຊົມວິດີໂອກ່າວລາຍງານໂດຍ ຜູ້ອຳນວຍການວິທະຍາໄລສົງອົງຕື້

ຂ່າວແລະພາບໂດຍ: ເອກັຄຄະຈິຕໂຕ ພິກຂຸ

 

 

 

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 92 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.