ແຈ້ງການ ຂ່າວມະຫາວິບປະໂຍກ (ຄວາມໂສກເສົ້າສະລົດໃຈ)

ແຈ້ງການ ຂ່າວມະຫາວິບປະໂຍກ (ຄວາມໂສກເສົ້າສະລົດໃຈ)

ເລື່ອງ ການລະ ພຣະສະຣີຣະສັງຂານ ສ້ຽງພຣະຊົນມາຍຸ ຂອງ ອົງພຣະຍອດແກ້ວມະຫາສັງຄະສຸທັມມາທິບໍດີ (ມະຫາງອນ ດຳຣົງບຸນມະຫາເຖຣະເຈົ້າ) ຣັດຕະນະມະຫາສັງຄະປາໂມກ ປະທານສູນກາງອົງການພຸດທະສາສະໜາສັມພັນ ແຫ່ງ ສປປ ລາວ.
ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ ຂໍແຈ້ງຂ່າວ ມະຫາວິບປະໂຍກ (ຄວາມເສົ້າສະລົດໃຈອັນໃຫຍ່ຫຼວງ) ມາຍັງ ການນຳພາ ພັກລັດ ການຈັດຕັ້ງ ພໍ່ແມ່ຄູບາອາຈານ ພຣະສົງສາມະເນນ ອອກຕົນຍາດໂຍມ ພຸດທະສາສະນິກະຊົນລາວບັນດາເຜົ່າ ທັງພາຍໃນ ແລະຕ່າງປະເທດ ຊາບວ່າ
ບັດນີ້ ອົງພຣະຍອດແກ້ວມະຫາສັງຄະສຸທັມມາທິບໍດີ ປັນຈະສີວິສຸດອຸດຕະມະໂພທິຄຸນ ວິບູນທັມມະຣັດຕະນະຍານນາຍົກ ຕຣີປິດົກໂກສົນວິລາດ ພຸດທະບໍຣິສັດຄາຣະວະສະຖານ (ມະຫາງອນ ດຳຣົງບຸນມະຫາເຖຣະເຈົ້າ) ຣັດຕະນະມະຫາສັງຄະປາໂມກ ປະທານສູນກາງອົງການພຸດທະສາສະໜາສັມພັນ ແຫ່ງ ສປປ ລາວ ໄດ້ ລະສະຣີຣະສັງຂານສ້ຽງພຣະຊົນມາຍຸແລ້ວ ໃນ ວັນອັງຄານ ວັນທີ 24 ມີນາ ພຣະພຸດທະສັງກາດ ໒໕໖໒ (2020) ທີ່ ໂຮງໝໍ 103 ນະຄອນຫຼວງວຽງຈັນ ລວມສິຣິຊົນມາຍຸ ໄດ້ 91 ປີ, 91 ວັນ, ວັດສາຍຸການ 71 ພັນສາ.

ປັດຈຸບັນ ພຣະສະຣີຣະສັງຂານ ໄດ້ນຳໄປປະດິດສະຖານຕັ້ງໄວ້ໃຫ້ບຳເພັນກຸສົນສັມປະທາສັກກາຣະບູຊາ ທີ່ ຫໍທັມມະສະພາ ຊັ້ນ 2 ວັດພຣະທາດຫຼວງເໜືອ ເມືອງໄຊເຊດຖາ ນະຄອນຫຼວງວຽງຈັນ.
ລາຍລະອຽດຕ່າງໆ ພ້ອມດ້ວຍ ກັບກຳໜົດການ ຖວາຍພຣະເພີງພຣະສະຣີຣະສັງຂານ ຈະໄດ້ແຈ້ງຕາມພາຍຫຼັງ.
———
ແຫລ່ງຂໍ້ມູນ: ສູນກາງອົງການພຸດທະສາສນາສຳພັນແຫ່ງປະເທດລາວ

Advertisements

Ekaggacitto Bhikkhu

Lao Buddhism is a website designed for Lao Buddhist Community.

Ekaggacitto Bhikkhu has 98 posts and counting. See all posts by Ekaggacitto Bhikkhu

This site uses Akismet to reduce spam. Learn how your comment data is processed.